ಹರಿದಾಸರ ಕೀರ್ತನೆ

ನೋಡೆ ಗೋಪೀ ಗೋಕುಲದೊಳು ಹರಿ | ಮಾಡುವ ಲೀಲೆಗಳಪ್ರತಿಯಮ್ಮ ರಂಗನೆತ್ತಿ ಸಂಭ್ರಮದಿಂದಲಿ | ಅಂಗಣದೊಳಗೆ ನಿಂದಾಡಿಸಲು || ತಿಂಗಳ ಬಿಂಬವ ಕಂಡಾಕ್ಷಣ ತ-I ನ್ನಂಗೈಯೊಳಗೇ ನಿಲಿಸಿಕೊಡೆಂಬ ಚಿನ್ನನು ನೋಡಲಿ ಎಂದಕ್ಕರದಲಿ | ಕನ್ನಡಿಯನು ತಂದು ಕೈಯಲಿ ಕೊಡಲು ॥ ತನ್ನ ಮುಖದ ಪ್ರತಿಬಿಂಬವ ಕಂಡು ಅ-| ದನ್ನು ಕರೆದು ಬಳಿಯಿರಿಸಿರಿಯೆಂಬ ಅರಿಯದೆ ದೀಪವ ಕೆಂಪಗೆ ಕಂಡು | ಸೆರಗಿನಲ್ಲಿ ಕೊಡು ಆಡುವೆನೆಂಬ ॥ ಕರುವಿನಂತೆ ತನ್ನನು ಕೊಂಡೊಯ್ದು | ತುರುಗಳ ಮೊಲೆಯನು ಉಣಿಸಿರಿಯೆಂಬ ಪರಿಪರಿಯಿಂದಲಿ ಗೋಡೆಯ ಮೇಲೆ | ಬರೆದಿಹ ಚಿತ್ರದ ಗೊಂಬೆಯ ನೋಡಿ || ಕರವ ಪಿಡಿದು ಎಳೆತಂದು ತನ್ನಯ ನೆರೆಯಲ್ಲಿಯೆ ನೀವಿರಿಸಿರಿಯೆಂಬ ತರುಣಿ ನಿನ್ನಯ ಸುಕೃತದ ಫಲವು । ಹರುಷವೆಮಗೆ ಅಭಿವೃದ್ಧಿಯಾಗಿಹುದು | ಪುರಂದರವಿಠಲನ ಚರಿಯವ ನೋಡಲು | ಧರೆಯೊಳಗಿನ ಬಾಲಕರಂತಲ್ಲವೆ

Sthala Comment None