ಹರಿದಾಸರ ಕೀರ್ತನೆ

ನೋಡುವುದೆ ಕಣ್ಣು, ಕೇಳುವುದೆ ಕಿವಿ | ಪಾಡುವುದೇ ವದನ ಗಾಡಿಕಾರ ಶ್ರೀ ವೇಣುಗೋಪಾಲನ | ಕೂಡಿಕೊಂಡಾಡುವ ಸುಖದ ಸೊಬಗನು ಎಳೆದುಳಸಿಯ ವನಮಾಲೆಯಿಂದೊಪ್ಪುವ | ಎಳೆಯ ಗೋವಳರೊಡನಾಡುವ | ತಳಿತ ತರುವಿನ ನೆಳಲಲ್ಲಿ ನಲಿವನ | ನಳಿನನಾಭನ ಮುದ್ದು ನಗೆಯ ಸೊಬಗನು ಅರಸಂಚೆಯೋಲು ಕುಣಿವ ನವಿಲಂತೆ ನಲಿಯುವ ಮರಿಕೋಗಿಲೆಯಂತೆ ಕೂಗುವನ || ಎರಳೆಯಂತೆ ಜಿಗಿಜಿಗಿದಾಡುವ ತುಂಬಿ | ಶಿರವ ತಗ್ಗಿಸುವಂತೆ ಝೇಂಕರಿಸುವನ ಮೊಲ್ಲೆಮಲ್ಲಿಗೆ ಜಾಜಿ ಪೂಮಾಲೆಗಳ ಧರಿಸಿ ಚೆಲ್ವೆಯರಿಗೆ ಮುಡಿಸುವನ|| ಜಲಕೇಳಿ ವನಕೇಳಿ ಮೊದಲಾದಾಟಗಳಿಂದ ಚೆಲ್ಲೆಗಂಗಳ ಮುದ್ದು ಫುಲ್ಲನಯನನ ಪೊಂಗೊಳಲೂದುತ ಮೃಗಖಗ ಜಾತಿಯ । ಸಂಗಡಿಸುತಲಿಪ್ಪನ | ಅಂಗವ ಮರೆತು ನೂರಂಗನೆಯರಲಿ ಬೆಳು-1 ದಿಂಗಳೊಳಗೆ ಕುಣಿದಾಡುವ ದೇವನ ಮುದುಕಿ ಕುಬ್ಬೆಯ ಡೊಂಕ ತಿದ್ದಿ ರೂಪಿಯ ಮಾಡಿ | ಸೆರಗಪಿಡಿಸಿ ಕೊಂಬನ | ಕರುಣಾಕರ ಶ್ರೀ ಪುರಂದರವಿಠಲ | ಶರಣಾಗತ ರಕ್ಷಕ ರಮೆಯರಸನ

Sthala Comment None