ಧರ್ಮ ದೊರಕುವುದೇ । ದುಷ್ಕರ್ಮಿಸತಿಯೊಳು
ಪುರುಷಾಧಮನಿಗೆ ಧರ್ಮ ದೊರಕುವುದೆ.
ಧನವಿದ್ದರೇನಯ್ಯ ಮನವಿಲ್ಲವು । ಮನವಿದ್ದರೇನಯ್ಯ ಧನವಿಲ್ಲವು ।
ಧನವು ಮನವು ಯರಡುಂಟಾದ ಮನುಜಗೆ
ಅನುಕೂಲವಾದಂಥ ಸತಿಯಿಲ್ಲವಯ್ಯ
ಧರ್ಮಯಾಗ ಮಾಡುವ ಧರ್ಮ ನಾಳೆಯೆಂದೆನಬ್ಯಾಡ
ನಾಳ್ಯಾರೊ ನಾವ್ಯಾರೊ ಯಲೊ ಮಾನವಾ । ಊಳಿಗದವ ಬಂದು
ಬಾಬಾರೆಂದೆಳವಾಗ ಆಗ ಮಾಡುವೆನೆಂದರೆ ದೊರಕುವುದೇ ಧರ್ಮ
ಬಾಡಿಗೆ ಮನೆಯಂತೆಯೊ ದೇಹವ ನಚ್ಚಿ ಮಾಡುವೆ
ಪರಿಪರಿಯಾಗವನು । ಈ ಬೀಡಬಿಟ್ಟು ಆ ಬೀಡ ಹೋದಮೇಲೆ
ಆಗ ಮಾಡುವೆನೆಂದರೆ ದೊರಕುವುದೆ
ತನ್ನ ಕಣ್ಣ ಮುಂದೆ ಹೋಹ ಜೀವವ ಕಂಡು
ಇನ್ನು ನಾಚಿಕೆಯಿಲ್ಲವೆ ತನಗೆ | ನನ್ನದು ನನ್ನದು
ಯೆಂಬ ಭ್ರಾಂತಿಯ ಬಿಟ್ಟು ಕುನ್ನಿ ದೇಹವನೆಚ್ಚಿ ಕೆಡಬ್ಯಾಡ
ಮನುಜ
ವಂದಾನೊಂದು ಪರಿಯಲ್ಲಿ ತೊಳಲಿ ಬಳಲಿ ಜೀವ
ಮುಂದಣ ಜನ್ಮಕೆ ಸಾಧನವು ತಂದೆ ಶ್ರೀ ಪುರಂದರ
ವಿಠಲರಾಯನನು ಸಂದೇಹವಿಲ್ಲದೆ ನೆನೆಕಂಡ್ಯಾ ಮನುಜ
