ಹರಿದಾಸರ ಕೀರ್ತನೆ

ಕರ್ಮಬಂಧನ ಛೇದನ - ಶ್ರೀ - 1 ರಾಮನ ನಾಮವ ನೆನೆ ಮನವೆ ಅರ್ಚಿಸಲರಿಯೆನು ಪೂಜಿಸಲರಿಯೆನು । ಮೆಚ್ಚಿಸಲರಿಯೆನೆಂದೆನಬೇಡ || ಅಚ್ಯುತಾನಂತ ಗೋವಿಂದನ ನಾಮವ । ಇಚ್ಛೆ ಬಂದಾಗಲೆ ನೆನೆ ಮನವೆ ಸ್ನಾನವನರಿಯೆನು ಧ್ಯಾನವನರಿಯೆನು । ಏನನು ಅರಿಯೆನೆಂದೆನಬೇಡ || ಜಾನಕಿರಮಣನ ದಶರಥನಂದನ । ದಾನವನಾಶನ ನೆನೆ ಮನವೆ ಮಂತ್ರವನರಿಯನು ತಂತ್ರವನರಿಯೆನು । ಎಂತು ಅರಿಯೆನೆಂದೆನಬೇಡ 11 ಸಂತತಾನಂತ ಗೋವಿಂದನ ನಾಮವ । ಅಂತರಂಗದೊಳು ನೆನೆ ಮನವೆ ಜಪವ ನಾನರಿಯೆನು ತಪವ ನಾನರಿಯೆನು | ಉಪವಾಸವರಿಯೆನೆಂದೆನಬೇಡ || ಅಪರಿಮಿತ ಗುಣಗಳ ಅನಂತಮಹಿಮನ । ಕೃಪೆಯ ಸಮುದ್ರನ ನೆನೆ ಮನವೆ ಕಲಿಯುಗದೊಳು ಹರಿನಾಮವ ನೆನೆದರೆ ! ಕುಲಕೋಟಿಗಳುದ್ಧರಿಸುವುವು ।। ಸುಲಲಿತ ಭಕ್ತಿಗೆ ಸುಲಭನೆಂದೆನಿಸುವ । ಜಲರುಹನಾಭನ ನೆನೆ ಮನವೆ ತಾಪತ್ರಯಗಳ ತಪ್ಪಿಸಿ ಸುಜನರ । ಪಾಪಗಳೆಲ್ಲವ ಪರಿಹರಿಸುವುದು । ಶ್ರೀಪತಿ ಸದಮಲಧ್ಯಾನಗೋಚರನ । ಗೋಪೀನಾಥನ ನೆನೆ ಮನವೆ ವರದ ವೀರನಾರಾಯಣ ಸ್ವಾಮಿಯು | ಪರಮಪಾವನನು ಹಿತನಾಗಿ | ಹರಿಯದ ಇಹಪರ ಕೊಡುವ ಸುಖಂಗಳ | ಪುರಂದರವಿಠಲನ ನೆನೆ ಮನವೆ

Sthala Comment None