ಹರಿದಾಸರ ಕೀರ್ತನೆ

ಯಾದವ ನೀ ಬಾ ಯದುಕುಲನಂದನ ಮಾಧವ ಮಧುಸೂದನ ಬಾರೋ ಸೋದರ ಮಾವನ ಮಥುರಿಲಿ ಮಡುಹಿದ ಯ ಶೋದೆಯ ನಂದನ ನೀ ಬಾರೋ ಕಣಕಾಲಂದುಗೆ ಗಣಗಣಕೆನುತಲಿ ತನನನ ವೇಣು ನಾದದಲಿ || ಚಿಣಿಕೋಲು ಚಂಡು ಬುಗುರಿಯನಾಡುತ ಸಣ್ಣ ಸಣ್ಣ ಗೋವಳರೊಡಗೂಡಿ ಶಂಖ ಚಕ್ರವು ತೋಳಲಿ ಹೊಳೆಯುತ ಬಿಂಕದ ಗೋವಳ ನೀ ಬಾರೋ ಅಕ- 1 ಳಂಕ ಮಹಿಮನೆ ಆದಿನಾರಾಯಣ ಬೇಕೆಂಬ ಭಕ್ತರಿಗೊಲಿಬಾರೋ ಖಗವಾಹನನೆ ಬಗೆ ಬಗೆ ರೂಪನೆ | ನಗೆ ಮೊಗದರಸನೆ ನೀ ಬಾರೋ ॥ ಜಗದೊಳು ನಿನ್ನಯ ಮಹಿಮೆಯ ಪೊಗಳುವೆ | ಪುರಂದರ ವಿಠಲ ನೀ ಬಾರೋ

Sthala Comment None