ಹರಿದಾಸರ ಕೀರ್ತನೆ

ನೀನೇ ಅಚ್ಚುತ ನೀನೇ ಮಾಧವ । ಹರಿಗೋವಿಂದನು ನೀನೆ || ನೀನೆಗತಿಯೆಂದು ನಂಬಿದ ದಾಸಗೆ | ಅಭಯ ಕೊಟ್ಟಾತನು ನೀನೆ ಜಲದೊಳು ಪೊಕ್ಕು ಮೈನಡುಗಿಸಿ ಭಾರವ | ತಳೆದಾತನು ನೀನೆ || ಇಳೆಯ ಕದ್ದಸುರನ ದಾಡೆಯಿಂದ ಸೀಳಿ ಕಂಬ | ದೊಳು ಉದ್ಭವಿಸಿದೆ ನೀನೆ ಬಲಿಯ ಪಾತಾಳಕೆ ತುಳಿದೆಯೊ ನೀನು ಕೊ- | ಡಲಿಯ ಪಿಡಿದವನು ನೀನೆ || ಜಲಧಿಯ ದಾಟಿ-ಅಸುರರ ಕಡಿದು | ಲಲನೆಯ ತಂದಾತ ನೀನೆ ಗೊಲ್ಲರ ಮನೆಯಲಿ ಬೆಣ್ಣೆಯ ಕದ್ದು | ಕಳ್ಳನೆನಿಸಿದವ ನೀನೆ | ಬಲ್ಲಿದ ತ್ರಿಪುರದಿ ಬತ್ತಲೆ ನಿಂತು | ಒಳ್ಳೆ ಹಯವ ಹತ್ತಿದೆ ನೀನೆ ಪಾಂಡವರಿಗತಿ ಪ್ರಿಯನೆಂದೆನಿಸಿದ । ಪುಂಡರೀಕಾಕ್ಷನು ನೀನೆ | ಪುಂಡಲೀಕ ಪುರುಷೋತ್ತಮ ಮೂರುತಿ | ಪುರಂದರವಿಠಲನು ನೀನೆ

Sthala Comment None