ಹರಿದಾಸರ ಕೀರ್ತನೆ

ಗುಮ್ಮನ ಕರೆಯದಿರೆ-ಅಮ್ಮ ನೀನು | ಗುಮ್ಮನ ಕರೆಯದಿರೆ ಸುಮ್ಮನೆ ಇರುವೆನು ಅಮ್ಮಿಯ ಬೇಡೆನು | ಮಮ್ಮು ಉಣ್ಣುತ್ತೇನೆ ಅಮ್ಮ ಅಳುವುದಿಲ್ಲ ಹೆಣ್ಣುಗಳಿರುವಲ್ಲಿಗೆ-ಹೋಗಿ ಅವರ-| ಕಣ್ಣ ಮುಚ್ಚುವುದಿಲ್ಲವೆ ॥ ಚಿಣ್ಣರ ಬಡಿಯೆನು ಅಣ್ಣನ ಬಯ್ಯೆನು | ಬೆಣ್ಣೆಯ ಬೇಡೆನು ಮಣ್ಣು ತಿನ್ನುವುದಿಲ್ಲ ಬಾವಿಗೆ ಹೋಗೆ ಕಾಣೆ-ಅಮ್ಮ ನಾನು-| ಹಾವಿನ ಮೇಲಾಡೆ ಕಾಣೆ || ಆವಿನ ಮೊಲೆಯೂಡೆ ಕರುಗಳನ್ನು ಬಿಡೆ | ದೇವರಂತೆ ಒಂದು ಠಾವಲಿ ಕೊಡುವೆ ಮಗನ ಮಾತನು ಕೇಳಿಬೇಗ-ಗೋಪಿದೇವಿ-| ಮುಗುಳುನಗೆಯ ನಗುತ || ಜಗದ ಒಡೆಯ ಶ್ರೀ ಪುರಂದರವಿಠಲನ | ಬಿಗಿದಪ್ಪಿಕೊಂಡಳು ಮೋಹದಿಂದಾಗ

Sthala Comment None