ಹರಿದಾಸರ ಕೀರ್ತನೆ

ಕೊಟ್ಟು ಹೋಗೊ ಎನ್ನ ಸಾಲವ-ಕಣ್ಣ- | ಬಿಟ್ಟರಂಜುವನಲ್ಲ ಹೊರು ಕಲ್ಲ ಕೃಷ್ಣ ಕಾಲನೂರಿ ಅಡಿಯಿಟ್ಟರೆ-ಭೂ-| ಪಾಲನಾಣೆ ನರಸಿಂಗನೆ ॥ ಏಳು ವರ್ಷ ಬಡ್ಡಿ ಮೂಲಸಹಿತವಾಗಿ । ತಾಳುವನಲ್ಲವೊ ತಿರುಕ ಹಾರುವನೆ ಕೊರಳುಗೊಯ್ಕ ನೀನು ಸಾಲವ ತೆಗೆದು । ತಿರುಗುವುದುಚಿತವೆ ವನವನವ ॥ ಎರಡೇಳು ವರ್ಷಕೆ ಎನಗಿಂದು ಸಿಕ್ಕಿದೆ । ಒರಳಿಗೆ ಕಟ್ಟದೆ ಬಿಡುವೆನೆ ಕೃಷ್ಣ ಬತ್ತಲೆ ನಿಂತರೂ ಬಿಡುವೆನೆ ನಿನ್ನ | ಉತ್ತಮ ಗುಣಗಳ ತೋರಿದೆ || ಹತ್ತಿದ್ದ ಕುದುರೆ ಸಹಿತವಾಗಿ ಹಿಡಿತಂದು । ಚಿತ್ತದಿ ಕಟ್ಟುವೆ ಪುರಂದರವಿಠಲ

Sthala Comment None