ಹರಿದಾಸರ ಕೀರ್ತನೆ

ಗಂಡಬಿಟ್ಟ ಗೈಯಾಳಿ ಕಾಣಣ್ಣ ಅವಳ ಕಂಡರೆ ಕಡೆಗಾಗಿ ದಾರಿ ಪೋಗಣ್ಣ ಊರೊಳಗೆ ತಾನು ಪರದೇಶಿಯೆನ್ನುವಳು ಸಾರುತ ತಿರುಗುವಳು ಮನೆಮನೆಯ ಕೇರಿ - ಕೇರಿಗುಂಟ ಕೆಲೆಯುತ ತಿರುಗುವಳು ನಾರಿಯಲ್ಲವೊ ಮಿಕ್ಕಮಾರಿಕಾಣಣ್ಣ ಅತ್ತೆ ಮಾವನ ಕೂಡ ಅತಿ ಮತ್ಸರವ ಮಾಡಿ ನೆತ್ತಿಗೆ ಮದ್ದನೆ ಊಡುವಳು ಸತ್ಯರ ದೇವರ ಸತ್ಯ ನಿಜವಾದರೆ ಬತ್ತಲೆ ಅಡ್ಡಂಬಲೂಡೇನೆಂಬುವಳು ಹಲವು ಜನರೊಳು ಕಿವಿಮಾತನಾಡುವಳು ಹಲವು ಜನರೊಳು ಕಡಿದಾಡುವಳು ಹಲವು ಜನರೊಳು ಕೂಗಿ ಬೊಬ್ಬೆಯನಿಡುವಳು ತಳವಾರ ಚಾವಡಿಯಲಿ ಬರಲಿ ಹೆಣ್ಣು ಪರಪುರುಷರ ಕೂಡಿ ಸರಸವಾಡುತ ಹೋಗಿ ನೆರೆದಿದ್ದ ಸಭೆಯಲಿ ಕರೆಯುವಳು ಮರೆಸಿ ತನ್ನವಗುಣ ಗಾಡಿಯೆಂದು ಮೆರೆವಳು ಕರಿರೂಪದವಳ ನೀ ಕೆಣಕದಿರಣ್ಣ ಏಸು ಗೃಹಗಳೆಂದು ಎಣಿಸಿ ನೋಡಿಬಂದು ಬೇಸರದೆ ಜನಕೆ ಹೇಳುವಳು ಲೇಸಾಗಿ ಪುರಂದರವಿಠಲನು ಹೇಳಿದ ಹೇಸಿತೊತ್ತನು ನೀನು ಕೆಣಕದಿರಣ್ಣ

Sthala Comment None