ಹರಿದಾಸರ ಕೀರ್ತನೆ

ಏನ ಮಾಡಲಿ ಶ್ರೀ ಹರಿ ಇಂಥ । ಮಾನವಜನ್ಮ ಮೆಚ್ಚಿಸಬಹುದೆ? ಮಾತನಾಡದೆ ಮೌನದೊಳಿದ್ದರೆ-ಮೂಕ-| ನೀತನೆಂದು ಧಿಕ್ಕರಿಸುವರು || ಚಾತುರ್ಯದಿಂದಲಿ ಮಾತುಗಳಾಡಲು | ಈತನು ಬಲು ಬಾಯ್ಬಡಿಕನೆಂಬುವರಯ್ಯ ಮಡಿ ನೇಮ ಜಪ-ತಪಂಗಳ ಮಾಡುತಿದ್ದರೆ | ಬಡಿವಾರದವನೆಂದಾಡುವರು ॥ ಮಡಿ ನೇಮ ಜಪ-ತಪಂಗಳ ಮಾಡದಿದ್ದರೆ | ನಡತೆಹೀನನೆಂದು ಬಲು ನಿಂದಿಸುವರಯ್ಯ ಗಟ್ಟಿಯಾಗಿ ಒಪ್ಪತ್ತಿನೂಟದೊಳಿದ್ದರೆ | ನಿಷ್ಠೆಯೇನು ಸುಟ್ಟಿತೆಂಬರು | ಗಟ್ಟಿಯಾಗಿ ಎರಡು ಮೂರುಬಾರಿಯುಂಡರೆ | ಹೊಟ್ಟೆಬಾಕನೆಂದು ತೆಗಳಾಡುವರಯ್ಯ ಒಲಪಿನೊಳ್ಚೆನ್ನಿಗತನವನು ಮಾಡಲು | ಬಲು ಹೆಮ್ಮೆಗಾರನೆಂದಾಡುವರು ॥ ಸುಲಭತನದಿ ತಾ ನಿಗರ್ವಿಯಾಗಿದ್ದರೆ | ಕಲಿಯುಗದಲಿ ಮಂದಮತಿಯೆಂಬುವರಯ್ಯ ನರಜನ್ಮದೊಳಗಿನ್ನು ಮುಂದೆ ಪುಟ್ಟಿಸಬೇಡ | ಮರೆ ಹೊಕ್ಕೆ ಮತ್ಯಾವತಾರ ನಿನ್ನ || ಧರೆಯೊಳಗಿಹ ಪರಿಯಂತರ ಸಲಹೆನ್ನ | ಕರುಣವಾರಿಧಿ ಶ್ರೀ ಪುರಂದರ ವಿಠಲ

Sthala Comment None