ಹರಿದಾಸರ ಕೀರ್ತನೆ

ಊರಿಗೆ ಬಂದರೆ ದಾಸಯ್ಯ - ನಮ್ಮ | ಕೇರಿಗೆ ಬಾ ಕಂಡೆ ದಾಸಯ್ಯ ಕೇರಿಗೆ ಬಂದರೆ ದಾಸಯ್ಯ ಗೊಲ್ಲ ಕೇರಿಗೆ ಬಾ ಕಂಡೆ ದಾಸಯ್ಯ ಕೊರಳೊಳು ವನಮಾಲೆ ಧರಿಸಿದನೆ ಕಿರು | ಬೆರಳಲಿ ಗಿರಿಯನೆತ್ತಿದನೆ || ಇರುಳು ಹಗಲು ಇಲ್ಲದಲಿ ಹಿರಣ್ಯನ । ಮರಣವ ಮಾಡಿದ ದಾಸಯ್ಯ ಮುಂಗೈ ಮುರಾರಿ ದಾಸಯ್ಯ ಚೆಲುವ | ಪೊಂಗೊಳಲೂದುವ ದಾಸಯ್ಯ ॥ ಹಾಂಗೆ ಹೋಗದಿರು ದಾಸಯ್ಯ ಹೊ । ನ್ನುಂಗುರ ಕೊಡುವೆನು ದಾಸಯ್ಯ ಕಪ್ಪು ವರ್ಣದ ದಾಸಯ್ಯ ಕಂ - | ದರ್ಪನ ಪಿತನೆಂಬ ದಾಸಯ್ಯ । ಒಪ್ಪಿಕೊಂಡು ಎನ್ನ ಮನೆಗೆ ಬಂದರೆ ತೋಳ್ | ಕುಪ್ಪಸ ಕೊಡುವೆನು ದಾಸಯ್ಯ ಶಾಲು ಹೊದಿಸುವೆನು ದಾಸಯ್ಯ ತುತ್ತು । ಹಾಲು ಬೋನವುಣಿಸುವೆ ದಾಸಯ್ಯ ॥ ಕಾಲಿಗೆ ಬಿದ್ದೆನು ದಾಸಯ್ಯ ವನ | ಮಾಲೆಯ ಕೊಡುವೆನು ದಾಸಯ್ಯ ಸಿಟ್ಟು ಮಾಡಬೇಡ ದಾಸಯ್ಯ ತಾಳು | ರೊಟ್ಟಿ ಸುಡುವನಕ ದಾಸಯ್ಯ ತಂ | ಬಿಟ್ಟನಾದರು ಮೆಲ್ಲೊ ದಾಸಯ್ಯ ಪುರಂದರ | ವಿಠಲನೆಂಬ ದಾಸಯ್ಯ

Sthala Comment None