ಹರಿದಾಸರ ಕೀರ್ತನೆ

ಪೇಳಲಳವೆ ನಿನ್ನ ಮಹಿಮೆಯ-ಶ್ರೀರಂಗ ಧಾಮ | ಪೇಳಲಳವೆ ನಿನ್ನ ಮಹಿಮೆಯ ನೀಲ ಮೇಘಶ್ಯಾಮ ನಿನ್ನ | ಬಾಲಲೀಲೆಯಾಟ ವಿಷದ ಮೊಲೆಯ ಪೂತನಿಯ । ಅಸುವ ಹೀರಿದ ಶೂರನಾದೆ | ಉಸಿರಲಳವೆ ನಿನ್ನ ಮಹಿಮೆ । ಅಮ್ಮಮ್ಮಮ್ಮಮ್ಮಮ್ಮ || ಕೆಸರ ತಿನ್ನಬೇಡೆನುತ ತಾಯಿ | ಶಿಶುವಿನ ವದನವ ನೋಡಿದಳಾಗ | ದಶಚತುರ್ಭುವನವ ತೋರಿದ ಬಾಯೊಳ | ಗಲ್ಲಲ್ಲಲಲ್ಲಲ್ಲಲ್ಲೇ ಬಾಲಲೀಲೆಯ ಬಂಡಿ | ಕಾಲಲೊದ್ದು ಶಕಟಾಸುರನ || ಮೂಲನಾಶ ಮಾಡಿದೆ ನೀ । ನಬ್ಬಬ್ಬಬ್ಬಬ್ಬಬ್ಬ|| ತಾಳಮರದ ನಡುವೆ ಒರಳ | ಕಾಲಿಗೆ ಕಟ್ಟೆಳೆಯುತಿರಲು | ಬಾಲ ಸತ್ತನೆಂದು ಗೋಪಿ ಅತ್ತ-1 ಳಯ್ಯಯ್ಯಯ್ಯಯ್ಯಯ್ಯಯ್ಯೊ ಸಣ್ಣವನಿವನಲ್ಲ ನಮ್ಮ | ಬೆಣ್ಣೆ ಕದ್ದು ಗೊಲ್ಲರ ಮನೆಯ | ಹೆಣ್ಣು ಮಕ್ಕಳನು ಹಿಡಿದ ಕಳ್ಳ | ಎಲ್ಲೆಲ್ಲೆಲ್ಲೆಲ್ಲೆಲ್ಲೆಲ್ಲೆ || ನಿನ್ನಾಣೆಯಿಲ್ಲೆಂಬ ರಂಗನ । ಬಿನ್ನಾಣಕೆ ನಕ್ಕವರನು ಬಯ್ಯುತ । ಎನ್ನ ಕಂದ ಹುಸಿಯನಾಡ | ನೆಂದೆಂದೆಂದೆಂದೆಂದು ನಾರಿಯರೆಲ್ಲ ಬತ್ತಲೆಯಾಗಿ | ನೀರಾಟವನಾಡುತಿರಲು | ಸೀರೆಗಳೊಯ್ದು ಮರವನೇರಿದ | ನತ್ತತ್ತತ್ತತ್ತತ್ತತ್ತ|| ವಾರಿಜಮುಖಿಯರು ಲಜ್ಜೆಯ ದೊರೆದು । ಸೀರೆಗಳನು ಬೇಡಲವರ ಮೋರೆ ನೋಡಿ ರಂಗ ನಕ್ಕ | ಅಬ್ಬಬ್ಬಬ್ಬಬ್ಬಬ್ಬಬ್ಬಬ ಕಾಡು ಕಿಚ್ಚು ಮುಸುಕಿ ಗೋವ- ವಾಡಿಯು ಬೆಂದದ್ದು ನೋಡಿ | ಈಡಿಲ್ಲದ ಉರಿಯ ತೀಡಿದ | ಅತ್ತತ್ತತ್ತತ್ತತ್ತತ್ತ|| ಬೇಡಿದ ವರಗಳನೀವ | ಪುರಂದರವಿಠಲನ ಲೀಲೆಯ | ರೂಢಿಯೊಳೀತನ ಸಮರು ಯಾರು ಇಲ್ಲಿಲ್ಲಿಲ್ಲಿಲ್ಲಿಲ್ಲಿಲ್ಲ

Sthala Comment None