ಹರಿದಾಸರ ಕೀರ್ತನೆ

ಚಂದ್ರಗಾವಿಯನುಟ್ಟು ದುಂಡು ಮುತ್ತನೆ ಕಟ್ಟಿ | ಪೆಂಡೆಯ ರುಳಿಯನಿಟ್ಟು | ಕೆಂದಾವಿನ ಹಾಲ ಹರವಿಯ ಹೊತ್ತುಕೊಂಡು ಬಂದಳು ಬೀದಿಗಾಕೆ ಹಾಲು ಮಾರುವ ಧ್ವನಿ ಲಾಲಿಸಿ ರಂಗಯ್ಯ | ಮೇಲಿನ ಕೇರಿಯಲಿ || ನಾಳೆ ನಮ್ಮನೆಯಲಿ ವೀಳೆ-ಪ್ರಸ್ತಗಳುಂಟು | ಹಾಲು ನಿಲ್ಲಿಸೆಂದನು ಕೊಂಡವನು ನೀನಲ್ಲ ಡಂಭಕರ ಮಾತೇಕೊ । ಗಂಡನುಳ್ಳವಳ ಕೂಡ || ಮಂಡಲವಾಳುವ ಆರಸಿನ ಮುಂದೆ ಹೇಳಿ 1 ದಂಡವ ತೆರೆಸುವೆನೊ ಅಡವಿಹಂಬುಗಳಿಗೆ ಹೆಡಿಗೆ ಸುಂಕವು ಇಲ್ಲ । ತಡೆದವ ನೀನಾರೊ? ॥ ನಡೆ ಊರ ಮುಂದಕೆ ತಳವಾರರೈದಾರೆ ! ಗಡನೆ ಪೇಳುವೆನೆಂದಳು ಬಲ್ಲೆ ಬಲ್ಲೆನೆ ನಿನ್ನ ಬಗೆಯ ಮಾತುಗಳೆಲ್ಲ | ಎಲ್ಲಿಹ ತಳವಾರನೆ | ಅಲ್ಲದಿದ್ದರೆ ಬಂದು ವೀಳ್ಯವ ತಕ್ಕೊಂಡು । ಅಲ್ಲಲ್ಲಿ ದೂರದಿರೆ ಕೋಲು ಕೈಯಲಿ ಪಣೆಯಲಿ ಸಿರಿನಾಮವು । ಆಲದ ಮರದಡಿಯೆ || ಕಾಲ ಮೊದಲು ಹಾಲ ಮಾರಿದ ಸುಂಕಕೆ | ನಿಲ್ಲೆಂದು ಸೆರಗ ಪಿಡಿದ ಅಪ್ಪ ಸೆರಗ ಬಿಡೊ, ಅಣ್ಣ ಸೆರಗ ಬಿಡೊ । ಅಪ್ಪಯ್ಯ ಸೆರಗ ಬಿಡೊ || ಅಪ್ಪನು ನಾನಲ್ಲ, ಅಣ್ಣನು ಅಲ್ಲ ನಿ-| ಮೃಪ್ಪನ ಅಳಿಯ ಕಾಣೆ ಮಾವ ಸೆರಗ ಬಿಡೋ, ಭಾವ ಸೆರಗ ಬಿಡೊ । ಭಾವಯ್ಯ ಸೆರಗ ಬಿಡೊ || ಮಾವನು ನಾನಲ್ಲ, ಭಾವನು ನಾನಲ್ಲ | ಮಾವನ ಮಗನು ಕಾಣೆ ಅಣ್ಣ ಸೆರಗ ಬಿಡೊ, ತಮ್ಮ ಸೆರಗ ಬಿಡೊ । ಅಣ್ಣಯ್ಯ ಸೆರಗ ಬಿಡೊ | ಅಣ್ಣಯ್ಯ ನಾನಲ್ಲ, ತಮ್ಮನು ಅಲ್ಲ ನಿ-1 ಮ್ಮಣ್ಣನ ಭಾವ ಕಾಣೆ ಕಂದ ಸೆರಗ ಬಿಡೊ, ತಂದೆ ಸೆರಗ ಬಿಡೊ । ಕಂದಯ್ಯ ಸೆರಗ ಬಿಡೊ || ಕಂದನು ನಾನಲ್ಲ, ತಂದೆಯು ನಾನಲ್ಲ | ಕಂದನ ತಂದೆ ಕಾಣೆ ನೆತ್ತಿ ಮೇಲಿನ ಕೊಡ ಎತ್ತಿ ಈಡಾಡುತ । ಎತ್ತಿಕೊಂಡಳು ಕೃಷ್ಣನ ॥ ಭಕ್ತರ ಸಲಹುವ ಪುರಂದರವಿಠಲ । ವತ್ಸ ವೆಂಕಟರಾಯನ

Sthala Comment None