ಹರಿದಾಸರ ಕೀರ್ತನೆ

ಗೋವಿಂದ ಹರಿ ಗೋವಿಂದ ಗೋವಿಂದ ಪರಮಾನಂದ ಮುಕುಂದ ಮಚ್ಛ್ಯಾವತಾರದೊಳಾಳಿದನೆ - ಮಂದ ರಾಚಲ ಬೆನ್ನೊಳು ತಾಳಿದನೆ ಅಚ್ಛ ಸೂಕರನಾಗಿ ಬಾಳಿದನೆ - ಮದ ಹೆಚ್ಚೆ ಹಿರಣ್ಯಕನ ಸೀಳಿದನೆ ಕುಂಭಿನಿ ದಾನವ ಬೇಡಿದನೆ - ಕ್ಷಾತ್ರ -ರೆ೦ಬುವರನು ಹತ ಮಾಡಿದನೆ ಅಂಬುಧಿಗೆ ಶರ ಹೂಡಿದನೆ - ಕಮ- ಲಾಂಬಕ ಗೊಲ್ಲರೊಳಾಡಿದನೆ ವಸುದೇವನುದರದಿ ಪುಟ್ಟಿದನೆ - ಪಲ್‌ ಮಸೆವ ದನುಜರೊಡೆಗುಟ್ಟಿದನೆ ಎಸೆವ ಕಾಳಿ೦ಗನ ಮೆಟ್ಟಿದನೆ - ಬಾ -ಧಿಸುವರ ಯಮಪುರಕಟ್ಟಿದನೆ ಪೂತನಿಯ ಮೈ ಸೋಕಿದನೆ - ಬಲು ಘಾತದ ಮೊಲೆಯುಂಡು ತೇಕಿದನೆ ಫಾತಕಿಯನತ್ತ ನೂಕಿದನೆ - ಗೋಪ ವ್ರಾತ ಗೋಗಳನೆಲ್ಲ ಸಾಕಿದನೆ ಸಾಧಿಸಿ ತ್ರಿಪುರರ ಗೆಲಿದವನೆ - ಮ್ಲೇಚ್ಛರ ಛೇದಿಸೆ ಹಯವೇರಿ ಕೆಲೆದವನೆ ಸಾಧುಸಂತರೊಡನೆ ನಲಿದವನೆ - ಬಾಡ ದಾದಿಕೇಶವ ಕನಕಗೊಲಿದವನೆ

Comment None