ಹರಿದಾಸರ ಕೀರ್ತನೆ

ಬಾಲಕನೆಂದೆತ್ತಿಕೊಂಡೆನೆ - ಗೋಪಾಲಕೃಷ್ಣನ ಬಾಲಕನೆಂದೆತ್ತಿಕೊಂಡೆನೆ ಬಾಲಕನೆಂದೆತ್ತಿಕೊಂಡರೆ - ವಾರೆ ಮಾಡಿ ಮೋರೆ ನೋಡಿ ಶ್ರೀಲತಾಂಗಿಯರ ಲೋಲ - ಮಾರನಾಟವಾಡಿ ಪೋದನೆ ಹೊತ್ತರೆದ್ದು ಮನೆಗೆ ಬಂದನೆ - ಯಶೋದೆ ಕೇಳೆ ಎತ್ತಿಕೊಂಡು ಮುತ್ತುಕೊಟ್ಟೆನೆ ಎತ್ತಿಕೊಂಡು ಮುತ್ತು ಕೊಟ್ಟರೆ ಮುತ್ತಿನ್ಹಾರ ಕೊರಳಿಗ್ದಾಕಿ ಚಿತ್ತಜಾತ ಕೇಳಿಯಲ್ಲಿ ಬತ್ತಲೆ ನಿಂದೆತ್ತು ಎಂದನೆ ಗಂಡನಂತೆ ಮನೆಗೆ ಬಂದನೆ - ಯಶೋದೆ ಕೇಳೆ ಮಿಂಡನಂತೆ ಕಣ್ಣು ಹೊಡೆದನೆ ಪುಂಡಪೋಕರನ್ನು ಮೀರಿ ದುಂಡು ಕುಚಗಳನ್ನು ಪಿಡಿದು ದಿಂಡುರುಳಿಸಿ ಒಂದುಸರಲಿ ಬಂಡನುಂಡು ಹಾರಿ ಹೋದನೆ ಏಸು ಮೋಸ ಕಲಿತ ಜಾಣನೆ - ಯಶೋದೆ ಕೇಳೆ ವಾಸುದೇವ ಮಾಯಕಾರನೆ ಹಾಸುಮಂಚದ ಹಾಸುಗೆಯಲಿ ತೋಷದಿಂದ ಬಾಚಿ ಸೆಳೆದು ಶೇಷನನ್ನು ಪೂಜಿಸೆಂದ ಶ್ರೀಶ ಬಾಡದಾದಿ ಕೇಶವ

Comment None