ಆನೆ ಬಂದಿದೆ ಇದಿಗೊ ಮದ್ದಾನೆ
ಜ್ಞಾನಿಗಳೊಳಾಡುವ ಮದ್ದಾನೆ
ದೇವಕಿಯೊಳು ಪುಟ್ಟಿದಾನೆ - ವಸು
ದೇವನ ಪೆಸರೊಳೈತಂದ ಮದ್ದಾನೆ
ಶ್ರೀ ವಾಸುದೇವನೆಂಬಾನೆ - ಗೋಪಿ
ದೇವಿಯ ಗೃಹದೊಳಾಡುವ ಪುಟ್ಟಾನೆ
ನೀಲವರ್ಣದ ನಿಜದಾನೆ - ಸ್ವರ್ಣ
ಮಾಲೆಗಳಿಟ್ಟು ಮೆರೆವ ಚಲುವಾನೆ
ಶ್ರೀಲೋಲನೆನಿಪ ಪಟ್ಟದಾನೆ - ದುಷ್ಟ
ಕಾಲಿಂಗನ ಪೆಡೆಯ ಮೆಟ್ಟಿ ತುಳಿದಾನೆ
ಬಾಲೇಂದು ಮುಖದ ಮರಿಯಾನೆ - ಕದ್ದು
ಪಾಲನ್ನು ಕುಡಿದ ಮರಿಯಾನೆ
ಕೈಲಿ ಗಿರಿಯನೆತ್ತಿದಾನೆ
ಕಾಳ್ಗಿಚ್ಚನ್ನು ನುಂಗಿದ ಪಟ್ಟದಾನೆ
ಧೇನುಕಾಸುರನ ಕೊಂದಾನೆ
ತನಗೆ ಜೋಡಿಲ್ಲದಿಹ ನಿಜದಾನೆ
ಮಾನವರಿಗೆಲ್ಲ ಸಿಲ್ಕದಾನೆ
ಶೌನಕಾದಿಗಳೊಂದಿಗಿಪ್ಪಾನೆ
ಮಲ್ಲರೊಡನೆ ಗೆಲಿದಾನೆ - ಕಡು
ಖುಲ್ಲ ಕಂಸನ ಕಡಹಿದಾನೆ - ವಿದ್ಯೆ ಸಾಂದೀಪ
ರಲಿ ಕಲಿತ ಮರಿಯಾನೆ
ಸಲೆ ಭಕ್ತರ ಕಾವ ಪುಟ್ಟಾನೆ
ತರಳೆ ರುಕ್ಮಿಣಿಯ ತಂದಾನೆ - ಬಹು
ಕರುಣದಿ೦ ಪಾಂಡವರ ಪೊರೆದಾನೆ
ವರ ವೇಲಾಪುರದೊಳಿಪ್ಪಾನೆ
ಸಿರಿಯಾದಿಕೇಶವನೆಂಬ ಮದ್ದಾನೆ
Music
Courtesy:
