ಕ್ಷಮಿಸುವುದೆಮ್ಮ ತಪ್ಪುಗಳ ಸ್ವಾಮಿ
ಕ್ಷಮಶೀಲವೆ೦ಬ ದಾಸೋಹ ಬಿರುದಿನೊಳು
ಕಮಲಜ ಹರಿ ರುದ್ರ ವಿಮಲ ಸುರರು ಸಾಧು
ಸಮರಲ್ಲವೆಂಬ ಶ್ರುತಿ ಸರಿಬಂತು ಸ್ವಾಮಿ
ಶರಧಿಯೊಳಿರುತಿರ್ಪ ಚರಜೀವಿಗಳ ಗುಣಾ-
ಕರಿಸಿ ಇಷ್ಟೆಂದು ಪೇಳಲುಬಹುದು
ಸಿರಿವರದನ ಅಂತಃಕರಣಕೊಪ್ಪಿದ ನಿಮ್ಮ
ಇರವ ತಿಳಿಯಲು ನರರ ವಶವೆ ಸ್ವಾಮಿ
ಆಢಕದೊಳಗ೦ಬರವನೆ ಅಳೆದು ಲೆಕ್ಕ
ಕೂಡಿದ ಮಿತಿಯ ಪೇಳಲು ಬಹುದು
ರೂಢಿಗೀಶನ ಸೇವೆ ಮಾಡಿದ ಮುಕ್ತರ
ಈಡಿಲ್ಲವೆಂಬುದನಿತರರರಿವರೆ ಸ್ವಾಮಿ
ಈ ಶರೀರದೊಳಗಿಪ್ಪ ಕೇಶಗಳೆಲ್ಲವನು
ಬೇಸರಿಸದೆಣಿಸಿ ಹೇಳಲು ಬಹುದು
ಶೇಷಶಯನ ಕಾಗಿನೆಲೆಯಾದಿಕೇಶವ
ದಾಸರ ಮಹಿಮೆ ಕಾಣಲಿಕಾಗದು ಸ್ವಾಮಿ
