ಹರಿದಾಸರ ಕೀರ್ತನೆ

ಗುರು ಹಿರಿಯರ ಸೇವಿಸಿ ಹರಿಯ ಮನದೊಳಗಿರಿಸಿ ಪರಗತಿಯ ಬೇಗ ಸಾಧಿಸಿಕೊಳ್ಳಿರೊ ಲೆಕ್ಕವಿಲ್ಲದ ದೇಹವೆಂಬ ಸೆರೆಮನೆಯೊಳಗೆ ಸಿಕ್ಕಿ ಬಹುಕಾಲ ಬಳಲದೆ ರಕ್ಕಸಾರಿಯ ಭಕ್ತರೊಳು ಸೇರಿ ನೀವು ಸೆರೆ ಯಿಕ್ಕದಂಥವನ ಮೊರೆ ಹೋಗಿರೊ ಕ೦ಬಳಿಯ ಬುತ್ತಿಯಂತೀ ದೇಹದೊಳಗೆಲ್ಲ ತುಂಬಿರುವ ಸುಖವೆಲ್ಲ ದುಃಖಭರಿತ ಅಂಬುಜಾಕ್ಷನ ದಿವ್ಯ ಮಂಗಳ ಕಥಾಮೃತವ ನುಂಬ ಭ್ರಮರಕೆ ಸರಿಗಾಣೆನೊ ಮಕ್ಕಳುಗಳಳುವಾಗ ಮಡದಿಯರು ಜರಿವಾಗ ಬಿಕ್ಕುಗಳು ಬಂದು ಬೈವಾಗ ಇಕ್ಕಿ ಪೊರೆವುದಕೆ ಗತಿಯಿಲ್ಲದಾ ದರಿದ್ರರಿಗೆ ಸೌಖ್ಯವೆತ್ತಣದೊ ಮನುಜರಿಗೆ ತಾಯ ಮಾರಿ ತೊತ್ತನು ಕೊಂಬ ಪಾಮರರಂತೆ ಹೇಯ ಕುಜನರಾ ಚರಣಕೆರಗಿ ಮಾಯಾಪತಿಯಂಫ್ರಿಗಳ ನೆನೆಯಲೊಲ್ಲದ ನರನ ಆಯುಷ್ಯ ಬರಿದೆ ಹೋಯಿತಲ್ಲ ಅಯಿವರಿತ್ತೊಡವೆಯ ಅವರವರೊಯ್ಯುವರು ಮ- ತ್ವಯಿವರೆಂಬುವರು ತೊಲಗುವರು ಮೈಯ ನೆತ್ತರು ಕೂಡ ಹರಿದು ಹೋಹುದು ನಿಮ್ಮ ಕೈಯ ಪಿಡಿದೆತ್ತುವರ ನಾನು ಕಾಣೆ ಬಲಗುಂದಿ ನೆಲ ಹಿಡಿಯೆ ರೋಗರುಜಿನಗಳೆಂಬ ಕಾಲನ ಭಟರು ಬಂದು ಕವಿದು ಸಾಲಾಗಿ ನಿಂತಾಗ ಮುಖ ಗಂಟಲೊಳಗಣ ನಾಲಗೆಯ ನಾದ ಎಲ್ಲಿಹುದೊ ಆಗಲೇ ಹರಿನಾಮ ನಾದದಿಂದೆಚ್ಚತ್ತು ನಾಗಶಯನನ ಪುರದ ಪಥವ ಆಗಮಜ್ಞರ ಕೇಳಿ ತಿಳಿದುಕೊಳ್ಳಿರೊ ನಿಮಗೆ ಈ ಗಾಳಿ ದೀಪ ಸ್ಥಿರವಲ್ಲ ಜರೆಯೆಂದು ಕಡೆಯಲ್ಲಿ ಗೊರಗೊರನೆ ಉಸಿರಾಡೆ ಶರೀರದ ಸಂಬಂಧಗಳಕಟಾ ತರುಣಿಯರ ಮ್ಯಾಲಾಸೆ ತಮ್ಮ ಹಿತವನರಿಯದೆ ಬರಿದೆ ಭವದಲ್ಲಿ ಬಳಲುವಿರಿ ವೇದ ಶಾಸ್ತವನೋದಲಿಲ್ಲ ಜಪ ಹೋಮಾದಿ ಸಾಧು ಕರ್ಮಗಳ ಸರಕು ಇಲ್ಲ ಮಾಧವನ ಪೂಜೆ ಒಮ್ಮೆಯೂ ಮಾಡಿಲ್ಲ ಹರಿ ಪಾದ ತೀರ್ಥದಾ ವ್ರತಗಳಿಲ್ಲ ಊರ್ಧ್ವಪುಂಡ್ರಗಳಿಲ್ಲ ಹರಿಯ ಲಾ೦ಛನವಿಲ್ಲ ಪದ್ಮ ತುಳಸಿಯಾ ಸರಗಳಿಲ್ಲ ಸದ್ಧರ್ಮ ಪಥವೆತ್ತ ವಿಷಯಾಂಧ ಕೂಪದೊಳು ಬಿದ್ದು ಪೊರಳುವ ಮರುಳಿದೆತ್ತ ಏಕಾದಶಿಯ ಮಾಡಿ ಯತಿಗಳೊಡನೆ ಆಡಿ ಪೋಕ ವೃತ್ತಿಗಳನೀಡಾಡಿ ಶ್ರೀಕಾ೦ತನನು ಬೇಡಿ ಸುಕೃತಿಗಳನೆ ಕೂಡಿ ಆ ಕೃಷ್ಣನ೦ಫ್ರಿಗಳ ಪಾಡಿ ಸಕ್ತಿಯಿ೦ ಹರಿಯ ಪೊಗಳಿ ಅಡಿಯಲುರುಳಿ ಶುಷ್ಕ ಭುಕ್ತಿಗಳ ಮೇಲುಗುಳಿ ದೂರ ನಿಲ್ಲಿ ಭಕ್ತಿ ಜ್ಞಾನಗಳಿರಲಿ ಮರ್ತ್ಯ ಪಥದಿ೦ ಮರಳಿ ಮುಕ್ತಿ ಮಾರ್ಗದಲಿನ್ನು ತೆರಳಿ ಕೊಳ್ಳೆನಾಯಕ ಬಂದು ಕೋಟೆ ಕೆಡಹುವ ಮುನ್ನ ಕಳ್ಳರೈ ವರ ಕಾರಣದಿಂದ ಉಳ್ಳ ಪುಣ್ಯಾರ್ಥಗಳು ಕೊಳ್ಳೆ ಹೋಗದ ಮುನ್ನ ಫುಲ್ಲನಾಭನ ಅಡಿಗೆ ಮೊರೆ ಹೋಗಿರೊ ಮಲಮೂತ್ರ ರಕ್ತ ಮಾಂಸಗಳ ಬಂಬಲು ಮೆತ್ತಿ ಎಲುಬಿನಾ ಬಲದಿ೦ದ ಗೂಡು ಮಾಡಿ ಬೆಳೆಸಿದೀ ತನುವೆಂಬ ನರಕದಾಸೆಯ ಬಿಟ್ಟು ನಳಿನನಾಭನ ಪಾದ ಸೇರಿರೋ ಒ೦ಬತ್ತು ರಂಧ್ರಗಳ ತನುವೆ೦ಬ ಮನೆಯಲ್ಲಿ ತುಂಬಿರುವ ವಾಯು ಸ್ಥಿರವಲ್ಲ ನಂಬಿದರ ಪೊರೆವ ನೆಲೆಯಾದಿಕೇಶವನ ಪಾದಾಂಬುಜವನು ಸೇರಿ ಬದುಕಿರೊ

Comment None