ಹರಿದಾಸರ ಕೀರ್ತನೆ

ಆವ ಪರಿಯಲಿ ನಿಮ್ಮನೊಲಿಸಿ ಮೆಚ್ಚಿಪ ವಿಧವು ರವೆಯಷ್ಟು ತೋರದಲ್ಲ ದೇವ ದೇವೇಶ ನೀನೆಂದು ನಂಬಿರಲು ಕೃ- ಪಾವಲೋಕನದಿ ಸಲಹೊ ದೇವ ಫಣಿರಾಜನಾಸನದಿ ಕುಳಿತಿಹಗೆ ಅರಿವೆಯಾ ಸನವ ನಾನೆಂತ್ಹಾಸಲಿ ಘನವಾದ ಗಂಗೆಯನು ಪಡೆದವಗೆ ಕಲಶ ನೀ ರನದೆಂತು ಮೈಗೆರೆಯಲಿ ತನುವಿನ ಪರಿಮಳವು ಘಮಘಮಿಪನಿಗೆ ಸುಚಂ ದನವದೆಂತು ನಾ ಪೂಸಲಿ ಅನವರತ ನಾಭಿಯೊಳು ಶತಪತ್ರವಿಹಗೆ ಮಿ ಕ್ಕಿನ ಪೂವ ಮುಡಿಸಲೆಂತ್ಯೆ ದೇವ ಸುರುಚಿರೋಜ್ವಲ ಪೀತವಾಸನಿಗೆ ಉಡುಗೊರೆಯ ಅರಿವೆಯೇನನು ಪೊದಿಸಲಿ ವರ ಕೌಸ್ತುಭವು ಕೊರಳೊಳಗೆ ಇಪ್ಪವಗೆ ಆ- ಭರಣವಾವುದ ತೊಡಿಸಲಿ ತರಣಿ ಶತಕೋಟಿತೇಜನ ಮುಂದೆ ಹ್ಯಾಗೆ ನಾ- ಪೆರತೊಂದು ದೀಪವಿಡಲಿ ನೆರಹಿದ ಫಣಿಪತಿಯ ಸ್ತೋತ್ರದೂರನ ನಾನು ಸ್ಮರಿಪನೆಂತಯ್ಯ ದೇವ ದೇವ ವನಜಜಾಂಡ ಕೋಟಿಯುದರಂಗೆ ಆವುದನು ಉಣಿಸಿ ತೃಪ್ತಿಯ ಮಾಡಲಿ ಅನಿಮಿಷರಿಗಮೃತವನ್ನೆರೆದವನ ತೃಷೆಯ ನೀ- ರಿನೊಳೆಂತು ಸಂತವಿಡಲಿ ವಿನತೆಯಾತ್ಮಜ ಪಕ್ಷದನಿಲನಿಗೆ ಬೇರೆ ಬೀ- ಸಣಿಗೆಯನ್ನೇಂ ಬೀಸಲಿ ಅಣುರೇಣು ಪರಿಪೂರ್ಣ ಮೂರುತಿಗೆ ನಾ ಪ್ರದ- ಕ್ಷಿಣೆಯೆಂತು ಸುತ್ತಿಬರಲಿ ದೇವ ಮಿಗೆ ಫಣಿಯ ಪಣದಾತಪತ್ರವಿರುವಂಗೆ ನೆರ- ಳಿಗೆ ಕೊಡೆಯನೇಂ ಪಿಡಿಯಲಿ ಪಗಲಿರುಳು ಸಾಮಗಾನ ಪ್ರಿಯನ ಮುಂದೆ ಗೀ- ತಗಳ ನಾನೇಂ ಪಾಡಲಿ ಜಗವರಿಯ ಲಕ್ಷ್ಮೀದೇವಿಪತಿಗೆ ಎಷ್ಟು ಹೊ- ನ್ನುಗಳ ದಕ್ಷಿಣೆಯ ಕೊಡಲಿ ನಿಗಮತತಿ ಕಾಣದಿಹ ಮಹಿಮನಿಗೆ ನಮಿಸುವ ಬಗೆಯ ನಾನರಿವೆನೆಂತ್ಯೆ ದೇವ ಒಲಿಸುವುದನರಿಯೆ ಮೆಚ್ಚಿಸುವ ಬಗೆಯರಿಯೆ ಹೊ- ಗಳುವ ಹೊಲಬ ನಾನರಿಯೆನು ತಿಳಿದುದಿಲ್ಲವು ಷೋಡಶೋಪಚಾರದ ಪೂಜೆ- ಗಳಲೊಂದು ಪರಿಯಾದರೂ ನೆಲೆಯ ಕಾಣೆನು ನಿಗಮಶಾಸ್ತ್ರ ನವವಿಧ ಭಕ್ತಿ- ಯೊಳಗೊಂದು ಬಗೆಯಾದರೂ ಅಳಿಲಸೇವೆಯನೊಪ್ಪಿಸಿಕೊಂಡು ಶರಣನ ಸಲಹೊ ನೆಲೆಯಾದಿ ಕೇಶವನೆ ಸ್ವಾಮಿ – ಪ್ರೇಮಿ

Comment None