ಹರಿದಾಸರ ಕೀರ್ತನೆ

ಪರಮ ಪದವಿಯೆ ಶ್ರೀರಂಗಂ ಪರವಾಸುದೇವರೆ ಶ್ರೀರಂಗಂ ವೇದನಾಲ್ಕು ಶೃಂಗಾರವಾದ ಓಂಕಾರ ವಿಮಾನವೆ ಶ್ರೀರಂಗಂ ಸಾಧಿಸಿ ಪೂರ್ವಾಚಾರರು ನೆಲಸಿಹ ಆದಿ ವಿಮಾನವೆ ಶ್ರೀರಂಗಂ ಸತ್ಯಲೋಕದಲಿ ಬ್ರಹ್ಮನು ಪೂಜಿಪ ವಸ್ತು ವಿಮಾನವೆ ಶ್ರೀರಂಗಂ ಭಕ್ತಿಗೆ ಇಕ್ಷಾಕುರಾಯಗೊಲಿದು ಬಂದ ಉತ್ತಮಾಯೋಧ್ಯವೆ ಶ್ರೀರಂಗಂ ತ್ರೇತಾಯುಗದಿ ವಿಭೀಷಣನಿಗೆ ರಘು ನಾಥನು ಕೃಪೆ ಇತ್ತ ಶ್ರೀರಂಗಂ ಪ್ರೀತಿಸಿ ದಕ್ಷಿಣಭೂಮಿಯೊಳಗೆ ರಂಗ ನಾಥ ನೆಲಸಿಹ ಶ್ರೀರಂಗಂ ಮುನ್ನ ಕಾವೇರಿ ಉಭಯ ಮಧ್ಯದೊ ಇನ್ನು ಶೋಭಿಪುದೆ ಶ್ರೀರಂಗಂ ಸನ್ನುತ ಭಕ್ತರ ಸಲಹುವ ಬಿರುದಿನೊ ಳಿನ್ನು ತೋರುವುದೆ ಶ್ರೀರಂಗಂ ಶೇಷನ ಮೇಲೆ ಪವಳಿಸಿ ಲಂಕಾ ದೇಶವ ನೋಡುವ ಶ್ರೀರಂಗಂ ಶ್ರೀಸಿರಿನಾಯಕೀ ರಮಣ ಕೇಶವರಾಯರ ಮಹಿಮೆಯ ಶ್ರೀರಂಗಂ

Comment None