ಹೊಡೆಮರಳಲು ಕಲಿತ ಶ್ರೀಕೃಷ್ಣನಾಗರ |
ಹೆಡೆಯಂತೆ ತಲೆಯೆತ್ತಲು ಕಲಿತ ಕೃಷ್ಣ
ಕಡು ಮುದ್ದು ಸುರಿವಂತೆ ನಗಲು ಕಲಿತ ಕೃಷ್ಣ
ನುಡಿಯಲು ಕಲಿತ ಉಗ್ಗು ಉಗ್ಗು ಎಂದು ಕೃಷ್ಣ
ಉಡಿಘಂಟೆ ಹುಲಿಯುಗರಳೆಲೆ ಮಾಗಾಯಿ |
ಕೊರಳ ಪದಕ ಮುದ್ರೆ ಮೆರೆವ ಕೃಷ್ಣ |
ಕಡಗ ಕಂಕಣದಿಂದ ಮೆರೆವ ಕೃಷ್ಣ |
ಮಡದಿಯರೆತ್ತಿ ಮುದ್ದಾಡಿಸಲವರ ಓ ।
ರುಡಿಯ ಮೇಲೆದ್ದು ಕುಣಿವನು ಕೃಷ್ಣ ।
ಹಿಡಿಹೊನ್ನು ತಾ ಹೊನ್ನು ಗುಬ್ಬಿಯಂದದಿ ಹೆ-
ಜ್ಜೆ ಹಿಡಿದು ಚಪ್ಪಳೆಯಿಕ್ಕುವನು ಕೃಷ್ಣ |
ಮೃಡ ಮುಖ್ಯ ಸುರರು ಅಂಬರದಲಿ ನೋಡಿ ನೋಡಿ |
ಕಡುವೊಪ್ಪಿ ತುತಿಸಿ ಹಾರೈಸುತಿರೆ
ಕಡೆಗಣ್ಣಿನಿಂದ ಅವರನು ನೋಡಿ ನಲಿವ ನಮ್ಮ |
ಒಡನಾಡುವ ಪುರಂದರವಿಠಲ ಗೋಪಾಲಕೃಷ್ಣ
