ಹರಿದಾಸರ ಕೀರ್ತನೆ

ತ್ರಿಶೂಲ ಡವರುಗ ಭಸಿತ ರುದ್ರಾಕ್ಷಿ | ಪಶುವಾಹನ ನಾಮದೊಂದು ಮೂರುತಿ | ನೊಸಲೊಳು ಸಿರಿನಾಮ ಶಂಖ ಚಕ್ರ ಗದೆ । ಬಿಸಜವ ಪಿಡಿದಿಹದೊಂದು ಮೂರುತಿ | ಕುಶಲದಿ ಜಪಮಣಿಮಾಲೆ ಚತುರ್ಮುಖ ವಸುಧೆಯ ಸೃಜಿಸುವದೊಂದು ಮೂರುತಿ | ಎಸೆವಂತ ಕೋಟೆ ವೇದವರ್ಣಿಸಲು ಸಂ ತಸದಿ ನೋಡುತಿಹದೊಂದೆ ಮೂರುತಿ | ಸಮ್ಮೋಹನವೆ ಏಕಮೇವ ಶ್ರುತಿಯೆಂಬ । ನಿರ್ಮಳವಾಗಿಹ ದೊಂದೆ ಮೂರುತಿ | ಸುಮ್ಮನಸರಿಗೊಮ್ಮೆ ಸುಳುವು ತೋರುವ ಪರ | ಬೊಮ್ಮನೆಂದು ಕರೆಸುವದೊಂದೆ ಮೂರುತಿ ನಮ್ಮ ದೇವ ನಿಮ್ಮ ದೇವ ತಮ್ಮ ದೇವನೆಂತೆಂಬ | ಹಮ್ಮಿಂದಲಾಡುತಿಹದೊಂದೆ ಮೂರುತಿ | ಒಮ್ಮೊಮ್ಮೆನಾ ಕುರುಹು ಹಿಡೆವೆನೆಂದರೆ ಅಮ್ಮದೆ ಪುರಂದರವಿಠಲನಾದೊಂದೆ ಮೂರುತಿ

Sthala Comment None