ಹರಿದಾಸರ ಕೀರ್ತನೆ

ಧ್ವಜದ ತಿಮ್ಮಪ್ಪ ಪಲ್ಲಕಿಯೇರಿ ತನ್ನಯ | ನಿಜಗಿರಿಯಾತ್ರೆಗೈದಿದ ಹರುಷವ ಕೇಳಿ ಬಲದಲಬುಜಭವ ಭವಾದಿಗಳೆಡದಲಿ | ಉಲಿವ ವೇದ - ಉಪನಿಷದುಗಳು || ಸಲುಗೆಯಲಿ ಸನಕಾದಿಗಳು ಸೇವಿಸೆ ಮುನ್ನ | ಹಲವು ಋಷಿ - ಮುನಿನಿಕರ ಹಿಂದೆ ಬರುತಿರಲು ಛತ್ರವ ಶಚಿ ಚಾಮರವ ಢಾಳಿಸೆ ಇಂದ್ರ | ಚಿತ್ತಜಾತನು ವ್ಯಜನವ ಬೀಸಲು || ಹೊತ್ತು ಮಾರುತಿ ಹಡಪ ಹೊಳೆವೆಲೆಗಳ ಕೊಡಲು | ಹಸ್ತದ ಕಾಳಂಜಿ ಹರಿಣಾಂಕನು ಬರೆ ವರುಣನು ಸ್ವಾದುಜಲವ ಪಿಡಿದು ಬರೆ । ತರಣಿ ತನಗೆ ಆಧಾರದಂತಿರಲು || ಸುರರು ಸುಮನಗಳಿಂದ ಸರ್ವರು ತಮತಮ್ಮ | ಪರಿಪರಿ ಆಯುಧಗೊಂಡು ಬಳಸಿಬರೆ ಮಂದರ ಮಧ್ಯಮ ತಾರಕ ಮೋಹನ | ದಿಂದ ಗಂಧರ್ವರು ಗಾನಮಾಡಿ || ತೋಂಧಿಮಿಧಿಮಿಕೆಂದು ತಾಳಮೇಳದಿ ನಾ ರಂದ ಪಾಡಲು ಆಡುತಾಡುತ ಬರುತಿರೆ ಲೋಕನಾಯಕ ಲೋಕೈಕ ರಕ್ಷಾಮಣಿ | ಸಾಕಾರರೂಪ ಸದ್ಗುಣಭರಿತ ।। ವೆಂಕಟೇಶ ವ್ಯಾಸಮುನಿವರದನಾದ ಕರು ಣಾಕರ ಪುರಂದರವಿಠಲನು ಗರುಡ

Sthala Comment None