ಹರಿದಾಸರ ಕೀರ್ತನೆ

ಶೋಭನ ಶೋಭನವೆ ನಮ್ಮ ಶ್ರೀಭೂದೇವಿಯರ ಅರಸು ವೆಂಕಟಗೆ ಅಂದು ಕ್ಷೀರಾಂಬುಧಿಯನ್ನು ಮಥಿಸಲಾಗ ಇಂದಿರೆ ಹರುಷದಿಂದುದಿಸಿ ಬಂದು || ಮಂದಾರ ಮಾಲೆಯ ಹಾಕಿದ ದೇವಗೆ ಕಂದರ್ಪಕೋಟಿಲಾವಣ್ಯ ಮೂರುತಿಗೆ ಜನಕನ ಮನೆಯಲ್ಲಿ ರಾಜಾಧಿರಾಜರು ಎಣಿಕೆಯಿಲ್ಲದೆ ಬಂದಿರಲಾಗಿ || ಸನಕಾದಿವಂದ್ಯನ ಕಂಡು ಸಂತೋಷದಿ ಜನಕಜೆ ಮಾಲೆಯ ಹಾಕಿದ ರಾಮಗೆ ರುಕುಮನು ಶಿಶುಪಾಲಗೀವೆನೆಂಬ ಮಾತಿಗೆ ಸಕಲ ರಾಯರು ಬಂದಿರಲಾಗಿ || ಭಕುತವತ್ಸಲನ ಕಂಡು ಸಂತೋಷದಿ ರುಕುಮಿಣಿ ಮಾಲೆಯ ಹಾಕಿದ ಕೃಷ್ಣಗೆ ಸತ್ಯಭಾಮೆ ನೀಳಾ ಭದ್ರಾ ಕಾಳಿಂದಿಯು ಮಿತ್ರವಿಂದಾ ಲಕ್ಷಣಾ ಜಾಂಬವತಿ || ಮತ್ತೆ ಸೋಳಸಾಸಿರ ಗೋಪಿಕೆಯರ ಪ್ರತ್ಯಕ್ಷವಾಳಿದ ಕಲ್ಯಾಣಗೆ ಪದ್ಮದೇಶದಲೊಬ್ಬ ದೇವಾಂಗನೆಯು ಪದ್ಮಮುಖಿಯು ಶ್ರುತಕೀರ್ತಿಯಾಗಿ | ಪದ್ಮನಾಭ ಶ್ರೀ ಪುರಂದರವಿಠಲಗೆ ಪದ್ಮಾವತೀಪ್ರಿಯ ಶ್ರೀನಿವಾಸಗೆ

Sthala Comment None