ಹರಿದಾಸರ ಕೀರ್ತನೆ

ಲಾಲಿ ತ್ರಿಭುವನ ಪಾವನ ಲಾಲಿ ಗೋವಳ ಕುಲದೊಳು ಪುಟ್ಟಿದಗೆ ಲಾಲಿ ಗೋವರ್ಕಳನು ಸಲಹಿದಗೆ ಲಾಲಿ | ಗೋವುಗಳನೆಲ್ಲ ಕಾಯ್ದವಗೆ ಲಾಲಿ ಗೋವಿಂದ ಪರಮಾನಂದಗೆ ಲಾಲಿ ನಖದಲಿ ಗಂಗೆಯ ಪಡೆದಗೆ ಲಾಲಿ ಶಕಟನ ಮುರಿದು ಒತ್ತಿದವಗೆ ಲಾಲಿ || ಅಖಿಳ ವೇದಂಗಳ ತಂದಗೆ ಲಾಲಿ ರುಕುಮಿಣಿಯರಸ ವಿಠಲನಿಗೆ ಲಾಲಿ ಗಗನವ ಮುರಿದು ಒತ್ತಿದಗೆ ಲಾಲಿ ನಿಗಮಗಳನು ತಂದಿತ್ತಗೆ ಲಾಲಿ || ಹಗೆಗಳನೆಲ್ಲರ ಗೆಲಿದಗೆ ಲಾಲಿ ಜಗವನು ಉದರದಿ ಧರಿಸಿದಗೆ ಲಾಲಿ ಬೊಟ್ಟಿಲಿ ಬೆಟ್ಟವನೆತ್ತಿದಗೆ ಲಾಲಿ ಮೆಟ್ಟಿಲಿ ಭೂಮಿಯನಳೆದಗೆ ಲಾಲಿ || ಜಟ್ಟಿಗರನೆಲ್ಲ ಗೆಲಿದಗೆ ಲಾಲಿ ಕಟ್ಟುಗ್ರ ಶ್ರೀ ನರಸಿಂಹಗೆ ಲಾಲಿ ಶರಧಿಗೆ ಸೇತುವೆಗಟ್ಟಿದಗೆ ಲಾಲಿ ಸುರರ ಸೆರೆಯನು ಬಿಡಿಸಿದಗೆ ಲಾಲಿ ॥ ಕರಿಮೊರೆಯಿಡಲು ಬಂದೊದಗಿದಗೆ ಲಾಲಿ ವರದ ಪುರಂದರವಿಠಲಗೆ ಲಾಲಿ

Sthala Comment None