ಜಯಮಂಗಳಂ ನಿತ್ಯ ಶುಭಮಂಗಳಂ ।।
ಶ್ರೀವತ್ಸಲಾಂಛನಗೆ ಕ್ಷೀರಾಬ್ಧಿವಾಸಗೆ ।
ಗೋವರ್ಧನೋದ್ಧಾರ ಗೋವಿಂದಗೆ |
ಮಾವ ಕಂಸನ ಕೊಂದು ಮಕರಕುಂಡಲ ಧರಿಸಿ ।
ಜೀವಾತ್ಮನಾದ ಚಿನ್ಮಯರೂಪಗೆ
ಅಂಬುಧಿಯ ಶಯನಗೆ ಅಖಿಲ ಭೂತೇಶಗೆ
ತುಂಬುರ ನಾರದ ಮುನಿವಂದ್ಯಗೆ ||
ಎಂಭತ್ತನಾಲ್ಕು ಲಕ್ಷ ಯೋನಿಗಳ ರಾಶಿಯನು ।
ಗೊಂಬೆಯನು ಮಾಡಿ ಕುಣಿಸುವ ದೇವಗೆ
ಕಂದರ್ಪನಯ್ಯನಿಗೆ ಕೋಟಿಲಾವಣ್ಯನಿಗೆ
ಸುಂದರಮೂರುತಿ ಹರಿ ಸರ್ವೋತ್ತಮನಿಗೆ ॥
ಕಂದ ಪ್ರಹ್ಲಾದನ ಕಾಯ್ದ ದೇವನಿಗೆ ಅರ |
-------------------------------------------
ಪನ್ನಂಗಶಯನಗೆ ಪಾವನ್ನ ಚರಿತಗೆ ।
ಸನ್ನುತರಾದ ಸಜ್ಜನ ಪಾಲಗೆ |
ಎನ್ನೊಡೆಯ ಸಿರಿದೇವಿಯರಸು ಮುದ್ದುರಂಗಗೆ
ತನ್ನ ನಂಬಿದವರನು ಸಲಹುವವಗೆ
ಕರಿರಾಜವರದಗೆ ಕರುಣಾಸಮುದ್ರಗೆ |
ಗರುಡಗಮನನಿಗೆ ವೈಭವಹಾರಗೆ
ವರಪುರಂದರವಿಠಲ ಕಂಬುಕಂದರನಿಗೆ
ಅರವಿಂದನಾಭನಿಗೆ ಅಜನ ಪಿತಗೆ
Music
Courtesy:
ಸ್ಥಲ -
ಕೀರ್ತನೆಗಳು
ವಿಷಯ -
ಸಂಪ್ರದಾಯದ ಹಾಡುಗಳು
