ಹರಿದಾಸರ ಕೀರ್ತನೆ

ಹುಚ್ಚುಕುನ್ನಿ ಮನವೇ ನೀ ಹುಚ್ಚುಗೊಂಬುದು ಘನವೇ ಕಚ್ಚುಕದತನವ ಬಿಟ್ಟು ಅಚ್ಯುತನ ಪದವ ಮುಟ್ಟು ಸ್ನಾನ ಮಾಡಿದರೇನು - ಸಂ ಧ್ಯಾನವ ಮಾಡಿದರೇನು ಹೀನತನವ - ಬಿಡಲಿಲ್ಲ ಸ್ವಾನುಭವ ಕೂಡಲಿಲ್ಲ ಜಪವ ಮಾಡಿದರೇನು- ನೀ ತಪವ ಮಾಡಿದರೇನು ಕಪಟ ಕಲ್ಮಷ ಕಳೆಯಲಿಲ್ಲ. ಕಾಮಿತಾರ್ಥ ಪಡೆಯಲಿಲ್ಲ. ಮೂಗು ಹಿಡಿದರೇನು- ನೀ ಮುಸುಕನಿಕ್ಕಿದರೇನು ಭೋಗಿಶಯನನುವರ್ತಿಸಲಿಲ್ಲ ದೇವಪೂಜೆ ಮಾಡಲಿಲ್ಲ ಗರುವನಾದರೇನು ನೀ ಗೊರವನಾದರೇನು ಗುರುವಿನ ಸ್ವಾಮ್ಯವ ತಿಳಿಯಲಿಲ್ಲ . ಗುರುವುಪದೇಶ ಪಡೆಯಲಿಲ್ಲ ಹೋಮ ಮಾಡಿದರೇನು- ನೀ ನೇಮವ ಮಾಡಿದರೇನು ರಾಮನಾಮ ಸ್ಮರಿಸಲಿಲ್ಲ ಮುಕುತಿ ಪಥವ ಪಡೆಯಲಿಲ್ಲ ನವದ್ವಾರವ ಕಟ್ಟು ನೀ ನಡುವಣ ಹಾದಿಯ ಮುಟ್ಟು ಅವಗುಣಗಳ ಬಿಟ್ಟು ಭಾನು ಮಂಡಲ ಮನೆಯ ಮುಟ್ಟು ಏನು ನೋಡಿದರೇನು ನೀ ನೇನ ಮಾಡಿದರೇನು ಧ್ಯಾನವನ್ನು ಮಾಡಲಿಲ್ಲ ಪುರಂದರ ವಿಠಲನ ಸ್ಮರಿಸಲಿಲ್ಲ

Sthala Comment None