ಹರಿದಾಸರ ಕೀರ್ತನೆ

ಹರಿಯ ನೆನೆಯದ ನರಜನ್ಮವೇಕೆ ? ಶ್ರೀ ಹರಿಯ ಕೊಂಡಾಡದ ನಾಲಿಗೆಯಿನ್ನೇಕೆ ಸತ್ಯ - ಶೌಚವಿಲ್ಲದ ಆಚಾರವೇಕೆ ? ಚಿತ್ತ ಶುದ್ದಿಯಿಲ್ಲದ ಜ್ಞಾನವೇಕೆ ? ಭಕ್ತಿ- ಭಾನವಿಲ್ಲದ ದೇವಪೂಜೆ ಏಕೆ ? ಉತ್ತಮರಿಲ್ಲದ ಸಭೆಯು ಇನ್ನೇಕೆ ? ಕ್ರೋಧವ ಬಿಡದಿಹ ಸಂನ್ಯಾಸವೇಕೆ ? ಆದರವಿಲ್ಲದ ಅಮೃತಾನ್ನವೇಕೆ ? ವೇದ - ಶಾಸ್ತ್ರವಿಲ್ಲದ ವಿಪ್ರತನವೇಕೆ ಕಾದಲಂಜುವನಿಗೆ ಕ್ಷಾತ್ರ ತಾನೇಕೆ ? ಸಾಲದಟ್ಟುಳಿಯೆಂಬ ಸಂಸಾರವೇಕೆ ? ಬಾಲಕರಿಲ್ಲದ ಭಾಗ್ಯವಿನ್ನೇಕೆ ? ವೇಳೆಗೆ ಒದಗದ ನೆಂಟರಿನ್ನೇಕೆ ?ಅನು ಕೂಲವಿಲ್ಲದ ಸತಿಯ ಸಂಗವೇಕೆ ಮಾತೆ - ಪಿತರ ತೊರೆದ ಮಕ್ಕಳಿನ್ನೇಕೆ ? ಮಾತು ಕೇಳದ ಮಗನ ಗೊಡವೆ ಇನ್ನೇಕೆ | ನೀತಿ ತಪ್ಪಿದ ದೊರೆಯ ಸೇವೆ ಇನ್ನೇಕೆ ? ಅ ನಾಥನಾಗಿರುವಗೆ ಕೋಪವಿನ್ನೇಕೆ ? ಅಳಿದಳಿದುಳಿದಿಹ ಮಕ್ಕಳುಗಳಿನ್ನೇಕೆ ? ತಿಳಿದು ಬುದ್ಧಿಯ ಹೇಳದ ಗುರುತನವೇಕೆ ? ನಳಿನನಾಭ ಶ್ರೀ ಪುರಂದರವಿಠಲನ ಚೆಲುವ ಮೂರುತಿಯ ಕಾಣದ ಕಂಗಳೇಕೆ

Sthala Comment None