ಹರಿದಾಸರ ಕೀರ್ತನೆ

ಹರಿಭಕುತಿ ಸುಖವು ಅನುಭವಿಗಲ್ಲದೆ ಮಿಕ್ಕ – 1 ನರಗುರಿಗಳದರ ಸ್ವಾದವ ಬಲ್ಲವೆ ? ಎಸೆವ ತೆಂಗಿನಕಾಯ ಎತ್ತು ಮೆಲ್ಲಬಲ್ಲುದೆ ? ರಸಭರಿತ ಖರ್ಜೂರ ಕುರಿ ಮೆಲ್ಲಬಲ್ಲುದೆ ? | ಹಸು ಕರೆದ ಪಾಲಸವಿ ಸುಖಿಗಳಿಗೆ ಅಲ್ಲದೆ । ಕಸದಿ ವಾಸಿಸುವ ಉಣ್ಣೆಗಳು ಬಲ್ಲವೆ ? ಸರಸಿಜದ ಪರಿಮಳವ ಮಧುಕರನು ಅರಿವಂತೆ | ನಿರುತ ಬಳಿಯೊಳಗಿರುವ ಕಪ್ಪೆಗಳು ಬಲ್ಲುವೆ ? । ಸರಸ ಪಂಚಾಮೃತವ ಶ್ವಾನ ತಾ ಬಲ್ಲುವೆ ? । ಹರಿಕಥಾ ಶ್ರವಣಸುಖ ಕತ್ತೆಯದು ಬಲ್ಲುದೆ ? ಅಂಧ ದೀಪದ ಬೆಳಕ ಮೂಢ ಮಾತಿನ ಸವಿಯ । ಮಂದ ಬಧಿರನು ಹಾಡ ಕೇಳಿ ಸುಖಿಸುವರೆ ? ॥ ಅಂದ ಮುತ್ತಿನ ದಂಡೆ ಕಪಿಗಳಿಡಬಲ್ಲುವೆ ? । ಮಂದಮತಿ ಪುರಂದರವಿಠಲನನು ಬಲ್ಲನೆ ?

Sthala Comment None