ಹರಿದಾಸರ ಕೀರ್ತನೆ

ಸುಮ್ಮನೆ ವೈಷ್ಣವನೆಂದಿರಿ - ಪರ - ಬ್ರಹ್ಮ ಸುಜ್ಞಾನವನರಿಯದ ಮನುಜನ ಮುಖವ ತೊಳೆದು ನಾಮವಿಟ್ಟವನಲ್ಲದೆ । ಮಿಕ್ಕ ಶಾಸ್ತ್ರಂಗಳ ನೋಡಿದನೆ ? | ಸುಖ ಶೃಂಗಾರಕೆ ಮಾಲೆ ಧರಿಸಿದನಲ್ಲದೆ | ಭಕುತಿಯ ರಸದೊಳು ಮುಳುಗಿದನೇನಯ್ಯ ಊರ ಮಾತುಗಳೆಲ್ಲನಾಡಿದನಲ್ಲದೆ । ನಾರಾಯಣ ಕೃಷ್ಣ ಶರಣೆಂದನೆ ? । ನಾರಿಯರಿಗೆ ಮೆಚ್ಚಿ ಮರುಳಾದನಲ್ಲದೆ । ಗುರುಹಿರಿಯರಿಗೆಲ್ಲ ಎರಗಿದನೇನಯ್ಯ ಗಂಗೆಯಲಿ ಮಣ್ಣು ತೊಳವವನಲ್ಲದೆ । ಹಿಂಗದೆ ಸ್ನಾನವ ಮಾಡಿದನೆ ? । ರಂಗ ಶ್ರೀ ಪುರಂದರವಿಠಲನ ದಾಸರ । ಸಂಗಡ ಕೂಡಾಡಿ ತಿರುಗಿದನೇನಯ್ಯ

Sthala Comment None