ಹರಿದಾಸರ ಕೀರ್ತನೆ

ಸುಮ್ಮನೆ ಕಾಲವ ಕಳೆವರೆ -ಯಮ- । ಧರ್ಮರಾಯನ ದೂತರೆಳೆಯರೆ ನರಿ - ನಾಯಿ ಜನುಮವು ಬಾರದೆ -ಹಾಗೆ । ನರಜನ್ಮದಲಿ ಬಂದು ಸೇರದೆ - ।। ಹರಿಯ ಸ್ಮರಣೆ ಮಾಡಲಾರದೆ -ಸುಮ್ಮ ನಿರಲು ಪಾಪದ ವಿಷವೇರದೆ | ಬಾಲನಾಗಿದ್ದಾಗ ಬಹುಲೀಲೆ - ಮುಂದೆ ಲೋಲನಾಗಿ ಬಾಳಿದ ಮೇಲೆ | ಮೂಳ ವೃದ್ಧಾಪ್ಯ ಬಂತಾಮೇಲೆ -ಇನ್ನು-। ಬಾಳುವುದೆಲ್ಲ ನೂಲಮಾಲೆ ಮಡದಿ - ಮಕ್ಕಳ ಕೂಡಣ ಬಾಳು-ತನ್ನ ಒಡಲಿಗಾಗೆ ತಾನು ಕರವಾಳು || ಬಿಡದೆ ಸಂಕೀರ್ತನೆ ಮಾಡೇಳು - ಮಿಕ್ಕಿ ನುಡಿದ ನುಡಿಗಳೆಲ್ಲವು ಬೀಳು ಮನೆಮನೆ ವಾರ್ತೆಯು ಸ್ಥಿರವಲ್ಲ ಮನುಜರ ಮಾತೇನು ಘನವಲ್ಲ || ವನಜಸಂಭವಗೂ ನಿಶ್ಚಯವಿಲ್ಲ - ಮುಂದೆ ಹನುಮಂತ ಪಟ್ಟಕೆ ಬಹನಲ್ಲ ಇಂದಿನ ಹಮ್ಮು ನಾಳೆಗೆ ಇಲ್ಲ - ಭವ | ಬಂಧನದೊಳು ಸಿಕ್ಕಿ ನರಳಿದೆನಲ್ಲ || ಮುಂದನರಿತು ನಡೆದುದಿಲ್ಲ - ಮೃತ್ಯು ಬಂದಾಗ ಬಿಡಿಸಿಕೊಳ್ಳುವರಿಲ್ಲ। ಮರಣವು ಆವಾಗ ಬರುವುದೋ - ತನ್ನ । ಶರೀರವು ಆವಾಗ ಮುರಿವುದೊ || ಕರಣಂಗಳೆಲ್ಲವು ಜರಿವುದೊ - ತನ್ನ | ಗರುವದುಬ್ಬಸವೆಲ್ಲ ಮುರಿವುದೊ ಮರಣಕಾಲಕೆ ಅಜಮಿಳನಾಗ - ತನ್ನ | ತರಳನ ನಾರಗನೆಂದು ಕರೆದಾಗ | ಕರುಣದಿ ವೈಕುಂಠ ಪದವೀಗ - ನಿತ್ಯ-। ಪುರಂದರವಿಠಲನ ನೆನೆ ಬೇಗ

Sthala Comment None