ಸತ್ಯವೇ ಸ್ನಾನ ಜಪ ನೇಮ - ಹೋಮ - ಅ -
ಸತ್ಯದಲಿ ನಡೆದು ಮಾಳ್ಪುದು ವ್ಯರ್ಥಕರ್ಮ
ಅಪ್ಪಳಿಸಿ ಪರರ ದ್ರವ್ಯಗಳನ್ನು ತಂದುಂಡು
ಒಪ್ಪದಲಿ ಉಪವಾಸ ವ್ರತವ ಮಾಡಿ |
ತಪ್ಪದಲೆ ತಾ ಸ್ವರ್ಗ ಸೂರೆಗೊಂಬುವನೆಂಬ
ಸರ್ಪಗಳು ಮಾಡಿದಪರಾಧವೇನಯ್ಯ ?
ಬಿಡದೆ ಮದ ಮತ್ಸರಾಹಂಕಾರದೊಳು ಮುಳುಗಿ |
ಒಡನೆ ಬೆರಳುಗಳೆಣಿಸಿ ಮೌನದಿಂದ ||
ತಡೆಯದಲೆ ಪರಲೋಕ ಸುಖವನೈದುವೆನೆಂಬ ।
ಬಡ ಬಕವು ಮಾಡಿದಪರಾಧವೇನಯ್ಯ
ಪರಸತಿಯು ಪರಧನವು ಪರನಿಂದೆ ಪರಹಿಂಸೆ ।
ಪರಮ ಪಾತಕದ ಕಾರಣವ ತೊರೆದು ||
ಧರೆಗಧಿಕ ಪುರಂದರ ವಿಠಲನ ನೆರೆಭಜಿಸಿ |
ವರವನು ಪಡೆಯೆ ಸಾಲೋಕ್ಯವನ್ನೀವ
Music
Courtesy:
ಸ್ಥಲ -
ಕೀರ್ತನೆಗಳು
ವಿಷಯ -
ಲೋಕನೀತಿ
