ಹರಿದಾಸರ ಕೀರ್ತನೆ

ವಿಷಯದ ವಿಚಾರ ಬಿಡು ವಿಹಿತಕರ್ಮವ ಮಾಡು ವೈರಾಗ್ಯ ಭಾಗ್ಯಬೇಡು ವಿಷವೆಂದು ಕಾಮ ಕ್ರೋಧಗಳೆಲ್ಲವೀಡಾಡು | ಮಸಣಮನವೇ ಮಾಧವನನು ಕೊಂಡಾಡು ಅನುದಿನದಿ ಹರಿಕಥೆಯ ಕೇಳಿ ಸಂತೋಷಪಡು । ದಿನದಿನವು ಸಜ್ಜನರ ಕೂಡು ॥ ಮನಮುಟ್ಟಿ ದುರಾಚಾರ ಮಾಳ್ಪರನು ನೀ ಕಾಡು ಹಣ -ಹೊನ್ನು - ಪರಹೆಣ್ಣು ಹೆಂಟೆಯಂತೆ ನೋಡು ವೇದ ಶಾಸ್ತ್ರಾರ್ಥ ತತ್ವದ ವಿಚಾರವ ಮಾಡು । ಮಾಧವನ ಭಕ್ತಿ ಬೇಡು | ಪಾದದಲಿ ಪುಣ್ಯತೀರ್ಥದ ಯಾತ್ರೆಮಾಡು ಮಧು - ಸೂದನನ ಕೀರ್ತಿ ಸಂಕೀರ್ತನೆಯ ಮಾಡು ಅಂಬುಗುಳ್ಳೆಗಳಂತೆ ಎಂದಿಗಿದ್ದರು ದೇಹ | ನಂಬಿ ನೀ ಕೆಡಲುಬೇಡ ॥ ಕೊಂಬುವರು ಬಂದರಾಕ್ಷಣಕೆ ಬೆಲೆಯಾಗುವುದು । ಅಂಬುಜಾಕ್ಷ ಪುರಂದರವಿಠಲನ ನೆನೆ ಮನವೆ

Sthala Comment None