ಹರಿದಾಸರ ಕೀರ್ತನೆ

ವಾರಿಜನಾಭನ ಕರುಣವೆ ಸ್ಥಿರ ಸಂ ಸಾರವು ಎರವು ಕೇಳಾತ್ಮಾ | ಜಾರುತಿದೆ ಆಯುಷ್ಯ ದೂರದ ಮುಕುತಿಗೆ ದಾರಿ ಯಾವುದು ಪೇಳಾತ್ಮಾ ಸತಿ ಸುತರೆಂಬಾಶೆಯ ಬಿಡು ಮುಂದಿನ 1 ಹಿತವರವರುಂಟೇನಾತ್ಮಾ ॥ ಮತಿಗೆಟ್ಟು ಕೆಡಬೇಡ ಮರಣ ತಪ್ಪದು ಮುಂದೆ | ಗತಿಯಾವುದು ಹೇಳಾತ್ಮ ? ಎರವಿನ ಸಿರಿಗೆ ನೀ ಬಿರಿಬಿರಿದು ಬಿಚ್ಚುವೆ । ನೀರ ಕಡೆದರೆ ಬೆಣ್ಣೆಯುಂಟೇನಾತ್ಮ ॥ ಉರಗನ ಹೆಡೆಯಲಿ ನೆರಳ ಕೋರಿದ ಕಪ್ಪೆ । ಸ್ಥಿರವೆಂದು ಬಗೆವರೇನಾತ್ಮಾ ? ಆನೆ ಕುದುರೆ ಒಂಟೆ ಸೇನೆ ಭಾಂಡಾರವ ಏನು ಪಡೆದರೇನಾತ್ಮಾ ॥ ನಾನಾಪರಿಯಿಂದ ಕಳೆದು ಉಳಿದು ಮುನ್ನ ಹಾನಿ ತಪ್ಪದು ಕೇಳಾತ್ಮ ಕೆರೆಯ ಕಟ್ಟಿಸು ಪೂದೋಟವ ಹಾಕಿಸು । ಸೆರೆಯ ಬಿಡಿಸು ಪುಣ್ಯಾವಾತ್ಮಾ ॥ ಮರೆಯದೆ ಮನೆಗೆ ಬಂದವರಿಗನ್ನವನಿತ್ತು || ಪರಮಪದವಿ ಕಂಡೆಯಾತ್ಮಾ ಲೆತ್ತ - ಪಗಡೆ- ಚದುರಂಗ ಜೂಜಾಟವ । ಮತ್ತಾಡಿ ಕೆಡಬೇಡವಾತ್ಮಾ || ಭಕ್ತಿಯಲಿ ಪುರಂದರವಿಠಲನ ನೆನೆದರೆ 1 ಮುಕ್ತಿಸಾಧನ ಕಂಡೆಯಾತ್ಮಾ

Sthala Comment None