ಹರಿದಾಸರ ಕೀರ್ತನೆ

ಮರೆಯದಿರು ಶ್ರೀ ಹರಿಯನು ಮರೆಯದಿರು ಶ್ರೀ ಹರಿಯ ಮರಣಾತುರದಿ ಮಗನ ಕರೆದವಗೆ ಸಾಯುಜ್ಯವಿತ್ತ ನಾರಾಯಣನ ಸ್ಮರಣೆಯನು ಮಾಡುವರ ಚರಣ ಸೇವಕರಿಗೆ ಪರಮ ಪದವೀವ ಹರಿಯ ದೇವಕಿಯ ಬಂಧವನು ಪರಿದವನ ಪೂತನಿಯ ಜೀವರಸವೀಂಟಿದನ ಮಾವನನು ಮಡುಹಿದನ ಪಾವನ ತರಂಗಿಣಿಯ ಪದನಖದಿ ಪಡೆದವನ ಗೋವರ್ಧನೋದ್ಧಾರನ | ದಾವಾನಲನ ಪಿಡಿದು ನುಂಗಿದನ ಲೀಲೆಯಲಿ ಗೋವತ್ಸ ಗೋಪಾಲ ರೂಪವನು ತಾಳ್ದವನ ದೇವಮುನಿ ಮುಖ್ಯ ಸುರರಾರಾಧಿಸುವನ ಶ್ರೀಪಾದವನು ಭಜಿಸು ಮನವೆ ಕಂಜಸಂಭವಪಿತನ ಕರುಣಾಪಯೋನಿಧಿಯ ಕುಂಜರನ ನುಡಿ ಕೇಳಿ ಒದಗಿದನ ರಣದೊಳು ಧ- ನಂಜಯನ ಜೀವವಂ ಕೃಪೆಯಿಂದ ಕಾಯ್ದವನ ಆಂಜನೇಯನನಾಳ್ದನ || ರಂಜಿಸುವ ಕೌಸ್ತುಭವಿಭೂಷಣನ ಜಲಧಿಯಲಿ ನಂಜಿನೊಡೆಯನ ಮೇಲೆ ಮಲಗಿದನ ತಮದೊಳಗೆ ಪ ರಂಜ್ಯೋತಿಮಯನಾಗಿ ಬೆಳಗುವನ ಶ್ರೀಚರಣಕಂಜವಂ ಭಜಿಸು ಮನವೆ ವಾರಿಧಿಯೊಳಾಡಿದನ ವರಗಿರಿಯ ತಾಳಿದನ ಧಾರಿಣಿಯ ತಂದವನ ದೈತ್ಯನನು ಕೊಂದವನ ಮೂರಡಿಯಲಳೆದವನ ಮೊನೆಗೊಡಲಿ ಪಿಡಿದವನ ನೀರಧಿಯ ಬಂಧಿಸಿದನ|| ದ್ವಾರಕೆಯನಾಳ್ಳವನ ತ್ರಿಪುರಗಳ ಜಗುಳ್ದವನ ಚಾರುಹಯವೇರಿದನ ಸಕಲ ಸುಜನರ ಪೊರೆವ ಧೀರ ಪುರಂದರವಿಠಲನ ಚರಣಕಮಲವನು ನಂಬಿ ನೀ ಭಜಿಸು ಮನವೇ

Sthala Comment None