ಹರಿದಾಸರ ಕೀರ್ತನೆ

ಮರೆಯದಿರೆಲೆ ಮನವಿಲ್ಲಿ - ಯಮ ಪುರಿಗೆ ಒಯ್ದು ಬಾಧಿಸುತಿಹರಲ್ಲಿ ಪರನಾರಿಯರ ಸಂಗವಿಲ್ಲಿ ಉಕ್ಕು ಎರೆದ ಸತಿಯರ ತಕೈಸುವರಲ್ಲಿ ಗುರು - ಹಿರಿಯರ ನಿಂದೆಯಿಲ್ಲಿ - ಬಾಯೊ ಳೆರದು ಸೀಸವ ಕಾಸಿ ಹೊಯಿಸುವರಲ್ಲಿ ಉಂಡ ಮನೆಯ ಕೊಂಬುದಿಲ್ಲಿ – ಎದೆ ಗುಂಡಿಗೆಯನು ಸೀಳಿ ಕೊಲುತಿಹರಲ್ಲಿ ಗಂಡನ ದಣಿಸುವುದಿಲ್ಲಿ ಯಮ ಕುಂಡದೊಳಗೆ ಹಾಕಿ ಕುದಿಸುವರಲ್ಲಿ ಚಾಡಿಯ ಹೇಳಿಸುದಿಲ್ಲಿ ನುಡಿ ದಾಡುವ ನಾಲಿಗೆ ಕೇಳುವರಲ್ಲಿ ಬೇಡಿದರಿಗೆ ಧರ್ಮವಿಲ್ಲಿ ಇದ ನೀಡದಿರಲು ಒದ್ದು ನೂಕುವರಲ್ಲಿ ಪುಸಿ ಠಕ್ಕು - ಠವುಳಿಗಳಲ್ಲಿ - ಕಟ್ಟಿ ಎಸೆದು ಕೊಲ್ಲುವರೊ ನಿನ್ನವರು ಕೇಳಿಲ್ಲಿ ಅಶನಪ್ರಭೇದಗಳಿಲ್ಲಿ ಮಾಡೆ ಬಿಸಿಯ ಕೆಂಡವ ತಂದು ತಿನಿಸುವರಲ್ಲಿ ಸಿರಿಮದದೊಳಗಿಹುದಿಲ್ಲಿ - ಸೊಕ್ಕ ಮುರಿದು ಹಲ್ಲುಗಳ ಕಳಚುವರಲ್ಲಿ ಪುರಂದರವಿಠಲನ ಇಲ್ಲಿ - ನೆನೆಯೆ ಸ್ಥಿರವಾದ ಮುಕುತಿ ಪಡಕೊಂಬುವರಲ್ಲಿ

Sthala Comment None