ಹರಿದಾಸರ ಕೀರ್ತನೆ

ನೆಚ್ಚದಿರಿ ಭಾಗ್ಯ ಆರಿಗೂ ಸ್ಥಿರವಲ್ಲ. ನೆಚ್ಚದಿರೆಚ್ಚರಿಕೆ ಹೆಚ್ಚದೆ ಹಿಗ್ಗದೆ ಇದ್ದರೆ ಲೋಕಕೆ ಮೆಚ್ಚು ಕೇಳೆಚ್ಚರಿಕೆ ಪೊಡವಿಪರೊಲುಮೆ ಸುಸ್ಥಿರವೆಂದು ಗರ್ವದಿ ನಡೆಯದಿರೆಚ್ಚರಿಕೆ ಕೊಡವನಂಧಕ ಪೊತ್ತು ನಡೆವಂತೆ ಅಧಿಕಾರ ಕಡೆಉಒಲ್ಲ ಎಚ್ಚರಿಕೆ ಕಡುಚಪಲನು ತಾನೆಂದು ಪರರವ ಘಡಿಸದಿರೆಚ್ಚರಿಕೆ ಬಡವರೆಡರ ಲಾಲಿಸದೆ ಮುಂದಕ್ಕೆ ಹೆಜ್ಜೆ ಇಡಬೇಡವೆಚ್ಚರಿಕೆ ದೊರೆಗಳು ಬಲವುಯಂತೆಂದೆಲ್ಲರೊಳು ಹಗೆ ತರವಲ್ಲ ಎಚ್ಚರಿಕೆ ಉರಗನ ಮುತ್ತಿ ಕಟ್ಟಿರುವೆಯು ಕೊರೆದಂಥ ತೆರನಪ್ಪುದೆಚ್ಚರಿಕೆ ಗುರುಹಿರಿಯರ ಕಂಡು ಚರಣಕೆ ಶಿರಬಾಗಿ ನಡೆಯುತಿರೆಚ್ಚರಿಕೆ ಸಿರಿಯೆಂಬ ಸೊಡರಿಗೆ ಮಾನ್ಯರ ಅವಮಾನ ಬಿರುಗಾಳಿ ಎಚ್ಚರಿಕೆ ಲೋಕಾಪವಾದಕ್ಕೆ ಅಂಜಿ ನಡೆಯುವುದು ವಿ ವೇಕ ಕೇಳೆಚ್ಚರಿಕೆ ನಾಕೇಂದ್ರನಾದರೂ ಬಿಡದಪಕೀರ್ತಿ ಪ ರಾಕು ಕೇಳೆಚ್ಚರಿಕೆ ಕಾಕು ಮನುಜರ ಕೊಂಡೆಯ ಕೇಳೀ ಕೋಪದು ದ್ರೇಕ ಬೇಡೆಚ್ಚರಿಕೆ ಭೂಕಾಂತೆ ನಡು - ನಡುಗುವಳು ನಷ್ಠುರವಾದ ವಾಕು ಕೇಳೆಚ್ಚರಿಕೆ ನಳ - ಮಾಂಧಾತರೆಂಬವರೇನಾದರು ತಿಳಿದು ನೋಡೆಚ್ಚರಿಕೆ ಅಳಿವುದು ಈ ದೇಹ ಉಳಿವುದೊಂದೇ ಕೀರ್ತಿ ಇಳೆಯೊಳಗೆಚ್ಚರಿಕೆ ಅಳಲಿಸಿ ಪರರನು ಗಳಿಸಿದಂಥ ಹೊನ್ನು ಉಳಿಯದು ಎಚ್ಚರಿಕೆ ಉಳಿದಲ್ಪಕಾಲದಿ ಬಡವರಾದವರನು ಹಳಿಯದಿರೆಚ್ಚರಿಕೆ ಪರಸತಿ ಪರಧನಕಳುಪಲು ಸಿರಿಮೊಗ ದಿರುಹುವಳೆಚ್ಚರಿಕೆ ನೆರೆ ಛಿದ್ರಕುಂಭದ ನೀರಿನಂತಾಯುಷ್ಯ ಸರಿಯುವುದೆಚ್ಚರಿಕೆ ಬರುವ ಹಾನಿವೃದ್ಧಿ ತನ್ನ ಕಾಲವ ಮೀರ ಲರಿಯದು ಎಚ್ಚರಿಕೆ ವರದ ಪುರಂದರವಿಠಲರಾಯನ ಮರೆಯದಿರೆಚ್ಚರಿಕೆ

Sthala Comment None