ಹರಿದಾಸರ ಕೀರ್ತನೆ

ನೀಚ ಮಾನವರಿಗೆ ಸಿರಿ ಬಂದರೇನು ಈಚಲ ಮರ ದಟ್ಟ ನೆರಳಾದರೇನು ನಾಚಿಕಿಲ್ಲದ ನರರು ಬಾಗಿದರೇನು ಹೀಚಿನೊಳಿಹ ಫಲ ಹಣ್ಣಾದರೇನು ಹೊಲೆಯರೊಳು ಪದುಮಿನಿ ಹೆಣ್ಣು ಹುಟ್ಟಿದರೇನು ಮೊಲೆಯ ತೊರೆಯದ ನಾಯಿ ಈದರೇನು ಕಳೆಹೀನ ಕಾಮಿನಿಗೆ ಕಾಂತಿ ಹೆಚ್ಚಿದರೇನು ಬಿಲದೊಳಗೆ ಸರ್ಪ ಹೆಡೆಯೆತ್ತಿದರೇನು ಕೋತಿಯ ಮೈಯೊಳು ಭಾಂಡ ತುಳಕಲೇನು ಹೋತಿನ ಗಡ್ಡವು ಹಿರಿದಾದರೇನು ಯಾತಕೂ ಬಾರದ ಬದುಕು ಬಾಳಿದ್ದರೇನು ರೀತಿಯಿಲ್ಲದ ನೆರೆಯ ಸ್ನೇಹವಿನ್ನೇನು ರಕ್ಷಣೆಯಿಲ್ಲದ ರಾಜ ರಾಜಿಸಲೇನು ಭಿಕ್ಷೆ ಹುಟ್ಟದ ಊರು ತುಂಬಿದ್ದರೇನು ಲಕ್ಷ್ಯವಿಲ್ಲದವಗೆ ಲಕ್ಷ ಬಂದರೇನು ಪಕ್ಷಪಾತವಿಲ್ಲದವನ ಅಶ್ರಯವಿನ್ನೇನು ಫಣಿಯ ಮಸ್ತಕದ ಮೇಲೆ ಮಣಿಯು ಮಿಂಚಲೇನು ಉಣಿಸಿ ದಣಿಸದ ಧಣಿಯಿದ್ದರೇನು ಋಣಗೇಡಿ ಮಕ್ಕಳ ರಟ್ಟೆ ಬಲಿತರೇನು ಕ್ಷಣಚಿತ್ತವಿಲ್ಲದವನ ಸ್ಮರಣೆಯು ಇನ್ನೇನು ಸಾಕಲಾರದಾತನ ಸತಿಯ ಮೋಹವೇನು ಜೊತೆ ಮಾಡದಾ ಹಣ ಗಳಿಸದರೇನು ಕಾಕುಮಾನವರ ಸೇವೆ ಮಾಡಿದರೇನು ಬೇಕೆಂದು ಭಜಿಸಿರೋ ಪುರಂದರವಿಠಲನ

Sthala Comment None