ಹರಿದಾಸರ ಕೀರ್ತನೆ

ನಿತ್ಯವಲ್ಲ ನಿತ್ಯವಲ್ಲ ಅನಿತ್ಯ ದೇಹವಿದಣ್ಣ ಮತ್ತೆ ಮುರಾರಿ ಶ್ರೀಕೃಷ್ಣನ ನೆನೆದರೆ ಮುಕ್ತಿಸಾಧನವಣ್ಣ ದೇಹ ಮಾನಿನಿಯರ ಕುಚಕೆ ಮರುಳಾಗದಿರು ಮಾಂಸದ ಗಂಟುಗಳಲ್ಲಿ | ನಾನಾ ಪರಿಯಲಿ ಮೋಹಮಾಡದಿರು ಹೀನಮೂತ್ರದ ಕುಳಿಯಲ್ಲಿ ಜಾನಕಿರಮಣನ ನಾಮವ ನೆನೆದರೆ ಜಾಣನಾಗುವೆಯಲ್ಲೋ - ಪ್ರಾಣಿ ತಂದೆ-ತಾಯಿ ಅಣ್ಣ-ತಮ್ಮಂದಿರು ಮಕ್ಕಳು ಹರಿದು ತಿಂಬರೆಲ್ಲ | ಹೊಂದಿ ಹೊರೆಯುವಾ ನಂಟರಿಷ್ಟರು ನಿಂದೆ ಮಾಡುವರೆಲ್ಲ || ಮುಂದೆ ಯಮನ ದೂತರು ಎಳೆದೊಯ್ಯಲು ಹಿಂದೆ ಬರುವರಿಲ್ಲೋ - ಪ್ರಾಣಿ ಕತ್ತಲೆ ಬೆಳುದಿಂಗಳು ಸಂಸಾರವು ಕಟ್ಟು ಧರ್ಮದ ಮೊಟ್ಟಿ । ಹೊತ್ತನರಿತು ಹರಿದಾಸರ ಸೇರೆಲೊ ಪೇಳ್ವರು ತತ್ತ್ವವ ಗಟ್ಟಿ | ಚಿತ್ತಜನಯ್ಯ ಪುರಂದರವಿಠಲನ ಹೊಂದೋ ನೀ ಸುಖಬುಟ್ಟಿ - ಪ್ರಾಣಿ

Sthala Comment None