ಹರಿದಾಸರ ಕೀರ್ತನೆ

ನಾಚಿಕೆಪಡಬೇಡ - ಮನದೊಳು ಯೋಚಿಸಿ ಕೆಡಬೇಡ ನಿಚ್ಚ ನೆನೆಯೊ ನಮ್ಮಚ್ಯುತನಾಮವ | ಮೆಚ್ಚಿ ಕೊಟ್ಟರೆ - ಅಚ್ಯುತ ಪದವೀವ ಹರಿಹರಿಯೆಂದೊದರೋ -ಹತ್ತಿದ ದುರಿತಗಳಿಗೆ ಬೆದರೋ ॥ ವಾರಿಜಾಕ್ಷನ - ವೈಕುಂಠಪುರವ । ಸೇರಿಸೇರಿ ನೀ ಕುಣಿಕುಣಿದಾಡೊ ಆರಗೊಡವೆ ಏನೋ ನರಕದ । ದಾರಿ ತಪ್ಪಿಸುವರೆ | ನೀರಜಾಕ್ಷ ನಮ್ಮ ನಿರ್ಜರ ಪತಿಯಲಿ | ಸೇರಿ ಸೇರಿಸಿ ಮನ ನಲಿನಲಿದಾಡೊ ಭಕ್ತಜನರ ಕೂಡೊ ಭವಭಯ | ಬತ್ತಿಪೋಪುದು ನೋಡೊ | ಮುಕ್ತಿದಾಯಕ ಶ್ರೀ ಪುರಂದರವಿಠಲನ | ಭಕ್ತಿಯಿಂದ ನೀ ಹಾಡಿ ಕೊಂಡಾಡೊ

Sthala Comment None