ದಾಸನೆಂತಾಗುವೆನು ಧರೆಯೊಳಗೆ ನಾನು |
ವಾಸುದೇವನಲಿ ಲೇಸು ಭಕುತಿಯ ಕಾಣೆ
ಗೂಟನಾಮವ ಹೊಡೆದು ಗುಂಡು ತಂಬಿಗೆ ಹಿಡಿದು 1
ಗೋಟಂಚುಧೋತರ ಮಡಿಯನುಟ್ಟು ||
ದಾಟುಗಾಲಿಡುತ ನಾ ಧರೆಯೊಳಗೆ ಬರಲೆನ್ನ |
ಬೂಟಕತನ ನೋಡಿ ಭ್ರಮಿಸದಿರಿ ಜನರೆ
ಅರ್ಥದಲ್ಲಿಯೆ ಮನಸು ಆಸಕ್ತವಾಗಿದ್ದು
ವ್ಯರ್ಥವಾಯಿತು ಜನ್ಮ ವಸುಧೆಯೊಳು ||
ಅರ್ತಿಯಿಂದಲಿ ಹರಿಯ ಅರ್ಚಿಸಿದ್ದಿಲ್ಲ ನಾ
ಸತ್ಯ - ಶೌಚಗಳರಿಯೆ ಸಜ್ಜನರು ಕೇಳಿ
ಇಂದಿರೇಶನ ಪೂಜೆ ಒಂದು ಮಾಡಿದ್ದಿಲ್ಲ |
ಸಂಧ್ಯಾನ ಜಪ ತಪವೊಂದನರಿಯೆ ||
ಒಂದು ಸಾಧನ ಕಾಣೆ ಪುರಂದರವಿಠಲನ | ದ್ವಂದ್ವಪಾದವ ನಂಬಿ ಅರಿತು ಭಜಿಸಿದರೆ
