ತಾಸು ಬಾರಿಸುತಿದೆ ಕೇಳಿ ಹರಿದಾಸರೆಲ್ಲ |
ತಾಸು ಬಾರಿಸುತಿದೆ ಕೇಳಿ
ಹಾಸುಮಂಚ ಸುಪ್ಪತ್ತಿಗೆಯಲಿ - ಹಗಲು ಇರುಳು |
ಹೇಸರಗತ್ತೆಯಂತೆ ಹೊರಳಿ - ಸ್ತ್ರೀಯರಗೂಡ |
ಬೇಸರದೆ ನಿತ್ಯವು ಉರುಳಿ ||
ಈ ಪರಿ ಕಾಲವ ಕಳೆದೆಯೊ ಕಾಲ ಸ |
ಮೀಪವಾಯಿತು ಎಂದೀಗಲೆ
ವೃದ್ಧ ಯೌವನ ಬಾಲಕಾಲ ವಿವೇಕವಿಲ್ಲದ
ಬುದ್ಧಿಮಾಂದ್ಯವು ಹಲವು ಕಾಲ ಆಹಾರಸಂಗ ।
ನಿದ್ರೆಯಿಂದಲಿ ಅತಿಲೋಲ ||
ಈಶನ ಭಜಕರ ಭಜಿಸದೆ ಮಾನುಷಾ ।
ಯುಷ್ಯವೆಲ್ಲವು ವ್ಯರ್ಥವಾಯಿತಾಯಿತೆಂದು
ಕಂಡ ವಿಷಯವ ಕಾಮಿಸಿ ಕಷ್ಟಪಡದೆ ।
ತಾಂಡವ ಕೃಷ್ಣನ ಭಜಿಸಿ ಪುಂಡನೆನಿಸದೆ
ಭಂಡಧಾವತಿಯನು ತ್ಯಜಿಸಿ |
ಪುಂಡರೀಕಾಕ್ಷ ಪುರಂದರವಿಠಲನ ।
ಕೊಂಡು ಭಜಿಸಿರೈಯ ಢಂ ಢಂ ಢಂ ಡಣ್ಣೆಂದು
Music
Courtesy:
ಸ್ಥಲ -
ಕೀರ್ತನೆಗಳು
ವಿಷಯ -
ಲೋಕನೀತಿ
