ಹರಿದಾಸರ ಕೀರ್ತನೆ

ಚಿಂತೆ ಏತಕೊ ಬಯಲ ಭ್ರಾಂತಿ ಏತಕೊ । ಕಂತುಪಿತನ ದಿವ್ಯನಾಮ ಮಂತ್ರವಿರಲು ಜಪಿಸದೆ ಏಳುತುದಯ ಕಾಲದಲ್ಲಿ ವೇಳೆಯರಿತು ಕೂಗುವಂಥ ಕೋಳಿ ತನ್ನ ಮರಿಗೆ ಮೊಲೆಯ ಹಾಲಕೊಟ್ಟು ಸಲಹಿತೆ ? ಸಡಗರದಲಿ ನಾರಿಜನರು | ಹಡೆಯುವಾಗ ಸೂಲಗಿತ್ತಿ | ಅಡವಿಯೊಳಗೆ ಹೆರುವ ಮೃಗವ । ಪಿಡಿದು ರಕ್ಷಣೆ ಮಾಳ್ಪರಾರು ಹೆತ್ತ ತಾಯಿ ಸತ್ತ ಶಿಶುವು | ಮತ್ತೆ ಕೆಟ್ಟಿತೆಂಬರು ಜನರು || ಹುತ್ತಿನ ಹಾವಿಗೆ ಗುಬ್ಬಿಗೆ ಮೊಲೆಯ - | ನಿತ್ತು ರಕ್ಷಣೆ ಮಾಡುವರಾರು ಗಟ್ಟಿಮಣ್ಣಿನ ಶಿಶುವ ಮಾಡಿ । ಹೊಟ್ಟೆಯೊಳಗೆ ಇರಿಸುವಂಥ | ಕೊಟ್ಟ ದೈವ ಕೊಂಡೊಯ್ದರೆ | ಕುಟ್ಟಿಕೊಂಡು ಅಳುವುದೇಕೆ ನಂಬಿಗೆಗಿವು ಸಾಲವೆಂದು । ಹಂಬಲಿಪುದು ಲೋಕವೆಲ್ಲ ॥ ನಂಬಿ ಪುರಂದರವಿಠಲ - । ನೆಂಬ ನಾಮ ನುಡಿದ ಮೇಲೆ

Sthala Comment None