ಹರಿದಾಸರ ಕೀರ್ತನೆ

ಕೆಟ್ಟು ನೆಂಟರ ಸೇರುವುದು ಬಹಳ ಕಷ್ಟ ಹುಟ್ಟೇಳು ಜನ್ಮಕ್ಕೆ ಇದು ಬೇಡ ಹರಿಯೆ ಹರಿಯನಪ್ಪಲುಬಹುದು ಉರಿಯ ಮುಕ್ಕಲುಬಹುದು ಉರುವ ಮಾರಿಗೆ ಗ್ರಾಸವಾಗಬಹುದು ಸುರಿವ ಕೆಂಡದ ಮನೆಗೆ ಬರಿಮೈಯೊಳಿರಬಹುದು ಧರೆಯೊಳಗೆ ದಾರಿದ್ರವಾರಿಗೂ ಬೇಡವೋ ವಿಷವ ಕುಡಿಯಲುಬಹುದು ಇರಿದುಕೊಳ್ಳಲುಬಹುದು ಹಸಿದ ಹುಲಿಬಾಯ ತುತ್ತಾಗಬಹುದು ಹಸೆಗೆಟ್ಟು ಹೋಗಿ ನಂಟರಲಿ ತಾ ಬಾಯನ್ನು ಕಿಸಿಯಲಾಗದು ಕೊರಳ ಹಿಸುಕಿಕೊಳ್ಳಬಹುದು ಕುಡುಗೋಲು ಪಿಡಿದು ಕೂಲಿಯಮಾಡಿ ಉಣಬಹುದು ಒಡಲಾಸೆಗೊಬ್ಬರಾಳಾಗಬಹುದು ಒಡೆಯ ಶ್ರೀ ಪುರಂದರವಿಠಲ ಸ್ಮರಣೆಯಲಿ ಬಡವನಾಗಿಯೇ ಬೇಡಿ ಉಣ್ಣಬಹುದು

Sthala Comment None