ಹರಿದಾಸರ ಕೀರ್ತನೆ

ಕಣ್ಣಿನೊಳಗೆ ನೋಡೊ ಹರಿಯ -ಒಳ - ಗಣ್ಣಿನಿಂದಲಿ ನೋಡೊ ಮೂಜಗದೊಡೆಯನ ಆಧಾರ ಮೊದಲಾದ ಆರು - ಚಕ್ರ ಶೋಧಿಸಿ ಸುಡಬೇಕು ಈಷಣ ಮೂರು || ಸಾಧಿಸಿ ಸುಷಮ್ನ ಏರು ಅಲ್ಲಿ ಭೇದಿಸಿ ನೀ ಪರಬ್ರಹ್ಮನ ಸೇರು ಎವೆಹಾಕದೆ ಮೇಲೆ ನೋಡು -ಮುಂದೆ ತವಕದಿಂದಲಿ ವಾಯುಬಂಧನ ಮಾಡು || ಸವಿದು ನಾದವ ಪಾನಮಾಡು- ಅಲ್ಲಿ ನವವಿಧ ಭಕ್ತಿಯಲಿ ನಲಿನಲಿದಾಡು ಅಂಡದೊಳಗೆ ಆಡುತಾನೆ- ಭಾನು- ಮಂಡಲ ನಾರಾಯಣನೆಂಬುವನೆ | ಕುಂಡಲಿ ತುದಿಯೊಳಿದ್ದಾನೆ - ಶ್ರೀ ಪು- ರಂದರ ವಿಠಲನು ಪಾಲಿಸುತಾನೆ

Sthala Comment None