ಹರಿದಾಸರ ಕೀರ್ತನೆ

ಏಕೆ ಕಕುಲಾತಿ ಪಡುವೆ - ಎಲೆ ಮನವೆ ಲೋಕವನೆ ಸಲಹುವ ಶ್ರೀನಿವಾಸನು ನಮ್ಮ | ಸಾಕಲಾರದೆ ಬಿಡುವನೇ ಮನವೆ ಆನೆಗಳಿಗಯ್ದಾರುಮಣವಿನಾಹಾರ ವನು ಅಲ್ಲಿ ತಂದಿತ್ತವರದಾರೊ 1 ಜೇನುನೊಣ ಮೊದಲಾದ ಕ್ರಿಮಿ - ಕೀಟಗಳಿಗೆಲ್ಲ ! ತಾನುಣಿಸದಲೆ ಬಿಡುವನೇ ಮರುಳೆ ಕಲ್ಲಿನೊಳಗಿರುವ ಕಪ್ಪೆಗಳಿಗಾಹಾರವನು ಅಲ್ಲಿ ತಂದಿತ್ತವರದಾರೊ | ಎಲ್ಲವನು ತೊರೆದು ಅರಣ್ಯ ಸೇರಿರ್ದವರ | ಅಲ್ಲಿ ನಡೆಸದೆ ಬಿಡುವನೇ - ಮರುಳೆ ಅಡವಿಯೊಳಗೆ ಪುಟ್ಟುವಾ ಮೃಗಕುಲಕ್ಕೆಲ್ಲ ಒಡೆಯನಾರುಂಟು ಪೇಳೊ | ಗಿಡದಿಂದ ಗಿಡಕೆ ಹಾರುವ ಪಕ್ಷಿಗಳಿಗಲ್ಲಿ 1 ಪಡಿಯ ನಡೆಸದೆ ಬಿಡುವನೇ ಮರುಳೆ ಕಂಡಕಂಡವರ ಕಾಲಿಗೆ ಎರಗಿ ಎಲೆ ಮರುಳೆ ಮಂಡೆ ದಡ್ಡಾಯಿತಲ್ಲ | ಭಂಡ ಮನವೇ ನೀನು ಕಂಡವರಿಗೆರಗದಿರು ಕೊಂಡಾಡಿ ಹರಿಯ ಭಜಿಸೋ ಮರುಳೆ ಎಂಬತ್ತುನಾಲ್ಕುಲಕ್ಷ ಜೀವರಾಶಿಗಳನ್ನು ಬೆಂಬಿಡದೆ ಸಲುಹುತಿಹನು | ನಂಬು ಶ್ರೀ ಪುರಂದರವಿಠಲನ ಪಾದವನು ನಂಬಿದರೆ ಸಲಹದಲೆ ಬಿಡುವನೇ- ಮರುಳೆ

Sthala Comment None