ಹರಿದಾಸರ ಕೀರ್ತನೆ

ಅಜ್ಞಾನಿಗಳ ಕೂಡ ಅಧಿಕ ಸ್ನೇಹಕ್ಕಿಂತ ಸುಜ್ಞಾನಿಗಳ ಕೂಡ ಜಗಳವೇ ಲೇಸು ಡಂಭಕರ ಮನೆಯಪಮಾನದೂಟಕ್ಕಿಂತ ತುಂಬಿದ ಪಟ್ಟಣದಿ ತಿರಿದುಂಬುವುದೆ ಲೇಸು | ಹಂಬಲಿಸಿ ಹಾಳು ಹರಟೆ ಹೊಡೆವುದಕಿಂತ ನಂಬಿ ಹರಿದಾಸರೊಳಾಡುವುದೆ ಲೇಸು ಒಡನೆ ಹಂಗಿಸುವರ ಮನೆಯ ಓಗರಕಿಂತ ಕುಡಿನೀರ ಕುಡಿದುಕೊಂಡಿಹುದೆ ಲೇಸು | ಬಿಡದೆ ಕಡಿದಾಡುವರ ನೆರೆಯಲಿಹುದಕಿಂತ ಅಡವಿಯೊಳಜ್ಞಾತವಾಸವೇ ಲೇಸು ಮಸೆದು ಮತ್ತರಿಸುವನ ಬಳಿಯಲಿಹುದಕಿಂತ ಹಸನಾದ ಹಾಳುಗುಡಿಗಳೆ ಲೇಸು । ಬಿಸಜಾಕ್ಷ ಪುರಂದರವಿಠಲನ ನೆನೆನೆನೆದು ವಸುಧೆಯೊಳು ಚಿರಕಾಲವಿರುವುದೆ ಲೇಸು

Sthala Comment None