ಹರಿದಾಸರ ಕೀರ್ತನೆ

ಮಂದಿಯಗೊಡವೆ ಇನ್ನೇನು ಮಗಳೆ | ಮುಂದೆ ನೋಡಿ ಹಂಜಿ ನೂಲವ್ವ ಕಣ್ಣ ಮುಂದಿನ ಕಸವನು ತೆಗೆದು ! ಸಣ್ಣಗೆ ನೀ ನೂಲವ್ವ ವಸುಧೆಯ ದೊಡ್ಡ ಮಣೆಯಮಾಡಿ | ಶಶಿರವಿಗಳೆರಡು ಕಂಬವ ಹೂಡಿ || ಆ ಸಿರಿರಂಗರ ಎರಡು ಚಕ್ರವ ಮಾಡಿ | ದರ್ಶನವೆಂಬುವ ನುಲಿಯನು ಬಿಗಿದು ಪರಬ್ರಹ್ಮನ ಅಳವು ಮಾಡಿ । ಕುರುಡು ನಾಶಿಕ ಬೆನಕದಿ ತಿಕ್ಕಿ ॥ ಹರಿ ನೀನೆ ಎಂಬ ದಾರವ ಕಟ್ಟಿ । ವಿರತಿ ವಿಚಾರದ ಬೆಲ್ಲಗಳಿಕ್ಕಿ ಜ್ಞಾನವೆಂಬುವ ಕದರನ್ನಿಕ್ಕಿ | ಮಾನಮದವೆಂಬ ಹಂಜಿಯ ಹಿಡಿದು || ಧ್ಯಾನವೆಂಬ ಎಳೆಯನು ತೆಗೆದು | ಮೌನದಿಂದಲಿ ನೂಲವ್ವ ಕಕ್ಕುಲಾತಿ ಕಾಂಕ್ಷೆಗಳೆಂಬ | ಸಿಕ್ಕುದೊಡಕುಗಳನೆ ಬಿಡಿಸಿ | ಒಕ್ಕುಡಿತೆಯ ಮಾಡಿದ ಮನದಿ । ಕುಕ್ಕಡಿನೂಲು ಕೂಡಿ ಹಾಕಮ್ಮ ಇಪ್ಪತ್ತೊಂದು ಸಾವಿರದ ಮೇ - ಲಿಪ್ಪ ನೂರು ಎಳೆಯನು ಹೊಡೆದು || ತಪ್ಪದೆ ಹುಂಜವ ಕಟ್ಟಿ ನೀನು । ಒಪ್ಪದಿ ಸೀಳು ಇಳುವಮ್ಮ ಸದ್ಯದಿ ನೀ ಜಾಡರಲ್ಲಿ 1 ಸಿದ್ದ ಬದ್ಧ ಸೀಳುಗಳ ಹಾಕಿ | ವಿದ್ಯೆಯೆಂಬುವ ಹಚ್ಚಡವನ್ನು 1 ಬುದ್ದಿಯಿಂದಲಿ ನೇಯಿಸಮ್ಮ ಒಪ್ಪುವಾತ್ಮ ಪರಮಾತ್ಮನೆಂಬ | ಒಪ್ಪ ಎರಡು ಹೋಳುಗಳ ಹಚ್ಚಿ ॥ ತಪ್ಪದೆ ಪುರಂದರವಿಠಲನ ಪಾದಕೆ 1 ಒಪ್ಪಿಸಿ ಕಾಲವ ಕಳೆಯಮ್ಮ

Sthala Comment None