ಹರಿದಾಸರ ಕೀರ್ತನೆ

ಮಧ್ವಮತಕಿನ್ನು | ಸರಿಯುಂಟೆ - ಪ್ರ - 1 ಸರಿಯುಂಟೆ ಸಿದ್ಧ ವೈಕುಂಠಕಿಂತಧಿಕ ಮತ್ತುಂಟೆ ? -- ವೃಕ್ಷದೊಳಗೆ ತುಳಸಿ ವೃಕ್ಷಕಧಿಕವಿಲ್ಲ । ಪಕ್ಷಿಯೊಳಗೆ ಗರುಡ ಪಕ್ಷಿಗಿಂತ ಮಿಗಿಲಿಲ್ಲ ॥ ದಕ್ಷ ಹನುಮಂತನಂತೆ ಲೋಕದೊಳು ಬಂಟರಿಲ್ಲ | ಲಕ್ಷ್ಮಿಗೆ ಸರಿಯಾದ ಸ್ತ್ರೀಯರಿಲ್ಲ-ನೀ ಕೇಳೊ | ಪಕ್ಷಿವಾಹನನೆನಿಪ ದೇವ ತಾ ಬಲ್ಲ ಸಕಲ ಮಣಿಗಳಲಿ ಚಿಂತಾಮಣಿಗೆ ಸರಿಯಿಲ್ಲ | ಮಿಕ್ಕ ರತ್ನಮೊಳಗೆ ಮಾಣಿಕತೆ ಮಿಗಿಲಿಲ್ಲ ॥ ಭಕುತರೊಳಗೆಲ್ಲ ಚಂದ್ರಶೇಖರಗೆ ಸರಿಯಿಲ್ಲ | ಮುಕುತಿ ಸುಖಗಳಿಗೆಣೆಯಿಲ್ಲ ನೀ ಕೇಳೊ | ಅಖಿಳ ಬ್ರಹ್ಮಾಂಡನಾಯಕ ತಾ ಬಲ್ಲ ಪ್ರಥಮಯುಗದಲಿ ಹನುಮ, ದ್ವಿತಿಯ ಯುಗದಲಿ ಭೀಮ । ತೃತಿಯ ಯುಗದಲಿ ಮಧ್ವಾಚಾರ್ಯರೆಂದೆನಿಸಿ ॥ ಸತುಶಾಸ್ತ್ರಕಿದಿರಿಲ್ಲ ಅಮೃತಕಿಂತಧಿಕವಿಲ್ಲ | ರತಿಪತಿಗಿಂತ ಚೆಲುವರಿಲ್ಲ-ನೀ ಕೇಳೊ | ಕಥೆಯನು ಪುರಂದರವಿಠಲ ತಾ ಬಲ್ಲ

Sthala Comment None