ಹರಿದಾಸರ ಕೀರ್ತನೆ

ಆರೇನ ಮಾಡುವರು ಭುವನದೊಳಗೆ | ಪೂರ್ವಜನ್ಮದ ಕರ್ಮ ಪಣೆಯಲ್ಲಿ ಬರೆದುದಕೆ (ಅ) ಮಾಡಿದಡಿಗೆಯದು ಕೆಡಲು ಮನೆಯ ಗಂಡನು ಬಿಡಲು 1 ಕೂಡಿ ಇದ್ದಾಸತಿಯ ಕುಣಿಸಾಡಲು || ಗೋಡೆಯಲಿ ಬರೆದ ಹುಲಿ ಘುಡುಘುಡಿಸಿ ತಿನಬರಲು | ಆಡದಂತಹ ಮಾತ ಅಖಿಳರೂ ನಿಜವೆನಲು ಹೆತ್ತಾತಾಯ್ ಕರೆದು ಮಕ್ಕಳಿಗೆ ವಿಷ ಹಾಕಿದರೆ 1 ಮತ್ತೆ ತಂದೆಯೇ ಕರೆದು ಹೊರಗೆ ಮಾರಿದರೆ || ತೊತ್ತು ಅರಸಿಗೆ ಪ್ರತಿ – ಉತ್ತರವ ನಡೆಸಿದರೆ | ಕತ್ತಲೆ ಕರಡಿಯಾಗಿ ಬೆನ್ನಟ್ಟಿ ಕಟ್ಟಿದರೆ ಹೊಲಬೇಲಿ ಮೇದರೆ- ಮೊಲ ಎದ್ದು ಇರಿದರೆ ತಲೆಗೆ ತನ್ನಯ ಕೈಯ ಪೆಟ್ಟು ತಾಗಿದರೆ ॥ ಹೇಳಲು ಹಾವಾದರೆ - ಗೆಳೆಯ ರಿಪುವಾದರೆ ಕಲಿಸಿದ್ದ ಅವಲಕ್ಕಿ ಕಲಪರಟಿ ನುಂಗಿದರೆ ಕಣ್ಣೂಳಗಿನಾ ಬೊಂಬೆ ಕಚ್ಚಾಡ ಬಂದರೆ | ಹೆಣ್ಣಿನಾ ಹೋರಾಟ ಹೆಚ್ಚಾದರೆ | ಅನ್ನ ಉಣ್ಣದ ಮನುಜಗಜೀರ್ಣವಾದರೆ 1 ಪುಣ್ಯತೀರ್ಥಂಗಳಲ್ಲಿ ಪಾಪ ಘಟಿಸಿದರೆ ಏರಿ ಕುಳಿತಾ ಕೊಂಬೆ ಎರಡಾಗಿ ಬಿಚ್ಚಿದರೆ | ವಾರಿಧಿಗಳು ಉಕ್ಕಿ ಮೇರೆ ಮೀರಿದರೆ | ಆರಿದಾ ಇದ್ದಲಿಯು ಅಗ್ನಿಯಾಗುರಿದರೆ | ಧೀರ ಪುರಂದರ ವಿಠಲನ ದಯವು ತಪ್ಪಿದರೆ

Sthala Comment None